Sū ‘e le Greenpeace le kamupani ‘a le Fonterra ‘i lana Pata ‘o le Anchor

‘Ua sū ‘e le fa’alāpotopotoga fa’alēvā’omālō ‘o le Greenpeace, le kamupani tele ‘o le Fonterra ‘a Niu Sila, ‘i lona ‘olegia ‘o tagata fa’atau ‘e fa’apea ‘o lana pata ‘o le anchor, ‘e selau pasene le mutia Niu Sila ‘o lo’o gāosia mai ai.

‘O tūlāfono ‘a le kamupani ‘a le Fonterra, e fa’atagaina ai ‘ona fafaga ana povi taususu ‘i isi mea’ai ‘e ‘ese mai le mutia.

Na fa’aalia mai ‘e le Greenpeace, ‘o lea tūlaga ‘o se fa’afitauli, ‘ona ‘o le mea’ai mō lafu povi ia ‘e fa’atau mai fafo, ‘e gāosia ‘i le penu popo, ‘e fesoota’i ma le fa’atama’ia ‘o le vaomatua ‘i atunuu ‘o Asia Saute Sasa’e, ma ‘e tatau ‘ona silafia ‘e tagata fa’atau ‘o ‘oloa gaosi ‘a le Fonterra ‘e iai so’otaga ma ia tūlaga.

‘O le aso gafua ‘ananafi, na tau’a’aoina atu ai aloā’ia le tagi tusitusia lenei ‘a le Greenpeace ‘e se sui ‘o lea fa’alāpotopotoga, ‘i le ‘ofisa tutotonu ‘o le Fonterra ‘i ‘Aukilani.

Link to RNZ (Article) translated by Lauano Ati Ilaoa: https://www.rnz.co.nz/news/national/529460/greenpeace-sues-fonterra-over-100-percent-grass-fed-butter-claim

ATA: Fonterra’s Anchor brand butter, showing the label claiming it is ‘100 percent New Zealand grass-fed’ / Supplied/ Greenpeace. Sourced from RNZ.