Soso’a ta’avale ‘a leoleo ‘i se potopotoga tele ‘i Hamilitone

‘E fa ni ta’avale ‘a leoleo na soso’a ‘i taimi ‘o tū’ūga ta’avale ‘i luga ‘o ‘auala tetele ‘i se potopotoga tele ‘i Hamilitone ‘i le pō ‘o le Aso To’ona’i. 

Na tā’ua ‘e leoleo Waikato, na o lātou fa’ata’apeina le potopotoga to’atele na iai, ma tutuli ‘ese ta’avale, ‘ae na ‘āmata ‘ona pa’a’ā āmio ‘a tagata ma lamatia ai fo’i soifua ‘o leoleo ‘i āmioga ‘a le to’atele na iai.  Na solomuli saosaoa se tasi ‘o ta’avale āga’i ‘i se ta’avale ‘a leoleo, ‘a’o tutū ai ni leoleo ‘i luma ‘o lea ta’avale.  ‘O lo’o su’esu’eina tagata na faia ia āmioga, ma ‘e laki ‘e le’i iai se tasi ‘o leoleo na āfāina ai.  So’o se tasi ‘e silafia ni fa’amatalaga ‘i lea matā’upu ‘o lo’o talosaga leoleo ‘ina ‘ia fa’ailoa atu, ‘i le nūmera 105 po’o le Crimestoppers ‘i le 0800 555 111.

Link to RNZ (Article) translated by Savelina Kasiano: https://www.rnz.co.nz/news/national/525474/racers-ram-police-cars-drive-at-officers-in-large-gathering-in-hamilton

ATA: Police want to locate a vehicle of interest, and to speak with the two people, pictured, to assist them with their enquiries into a large gathering in Hamilton. NZ Police / Supplied (RNZ).