Solo ‘i tua aiā tatau ‘a tagata mō ni fale lelei ‘i totonu ‘o Niu Sila

‘E lēai se āga’i ‘i luma ‘ae nā ‘o le alu ‘i tua ‘o taumafaiga ‘e fa’aleleia le aiā tatau ‘a tagata Niu Sila mō ni fale lelei ma talafeagai ‘e nonofo ai talu mai le tausaga ‘e 2023.

‘O lea tūlaga ‘o lo’o manino mai ‘i le līpoti lata mai nei, na tāpenaina ‘e le Fa’alāpotopotoga mō le Aiā Tatau [‘ Tagata.

 ‘O lo’o tā’ua ai ‘i lea līpoti, pei ‘ona fa’alaua’iteleina mai nei, ‘o gāioiga ‘a le faigāmālō, na māfua ai ‘ona lēai se la’asaga āga’i ‘i luma ‘i le tūlaga taugatā ‘o fale, ‘ae fa’apea ai ma le saogalēmū ‘o tagata ‘e nonofo ai, ma ātili ai ‘ona faigatā ‘ona maua ni fale ‘e tagata ‘o lo’o mana’omia ni fale lelei ma talafeagai ‘e fa’amautū ‘i ai.

Na fa’ailoa maino mai ai ‘e le fa’alāpotopotoga lenei, le NZ Human Rights Foundation, ‘o ia tūlaga fa’alētonu, ‘e lē’o alu ai ‘i luma ‘ae ‘ua alu ‘i tua Niu Sila, ‘i le itū tau ‘i le aiā tatau ‘a tagata mō ni fale, fa’apea ma tūlaga ‘e tatau ’ona tausisia ‘e le Mālō ‘i aiaiga ma tu’utu’uga ‘o le Feagaiga ‘o Waitangi.

‘E ‘ioe le minisitā ‘o Fale ‘iā Chris Bishop, ‘e telē lava se gāluega ‘e mana’omia ‘ona faia ‘e fa’aleleia ai lea tūlaga fa’alētonu ma ia fa’aalia ai, ‘ua iai nai suiga ‘ua mafai ‘ona faia, ‘ae mautinoa lava ‘e tele ni tausaga ‘e mana’omia ‘e fa’aleleia ai le mau fa’alētonu ‘e a’afia ai mea tau fale ‘i totonu ‘o le atunu’u.

‘O le līpoti ‘e pei ‘ona tā’ua, ‘e lua tausaga ‘o tāpenaina ‘e le Komisi ‘o Aiā Tatau, sā silasila toto’a ai ‘i le aiā tatau ‘o tagata mō ni fale lelei ma talafeagai ‘e nonofo ai.

Link to RNZ (Article): https://www.rnz.co.nz/news/politics/949293/nz-running-backwards-on-housing-rights-report

IMAGE/ATA: RNZ / Quin Tauetau