Solia ‘e le mālō le tūlāfono ‘o aiā tatau ‘a tama’ita’i

‘Ua tu’uina mai ‘e le fa’amasinoga maualuga le fa’ai’uga ‘e uiga ‘i le soloia ai ‘e le mālō ‘o talosaga mō totogi tutusa po’o le pay equity, ‘e fa’apea ‘ua lātou solia le tūlāfono mō aiā tatau a tama’ita’i, ma fa’afaigatā ai ona faia ni talosaga fou.
Na tā’ua ‘e Paul Radich ‘o se fa’amasino, ‘o nei suiga na māfua mai ona ‘o le taumafai ‘o le mālō ‘e fa’aitiitia tupe fa’aalu, ma ‘ua ‘avea ma tūlaga ua fa’a’esea ai le itūpā o tama’ita’i. Peita’i, ‘e lē fa’aleaogāina ‘e lenei fa’ai’uga le tūlāfono fou, ‘ae ‘e tatau i le isi faigāmālō fou ‘ona tu’uina atu se tali aloa’ia.
‘Ua talosagaina ‘e le Iuni ‘o tagata faigāluega ‘a le mālō le PSA, le toe fa’afo’i o le tūlāfono tuai mō totogi tutusa. ‘Ae ‘ua tā’ua ‘e le Minisitā tausi Brooke van Velden, o lo’o iloilo pea e le mālō pē toe ‘apili le fa’ai’iuga o le fa’amasinoga.
Link to RNZ (Article): https://www.rnz.co.nz/news/politics/2683487/scrapping-pay-equity-breached-women-s-rights-high-court-rules
IMAGE/ATA: RNZ / Samuel Rillstone
