Silia ma le ‘afa ‘o tagata faigāluega ‘e salamō ‘ia lātou gāluega muamua

‘E silia ma le ‘afa ‘o tagata faigāluega Niu Sila, na toe tō mānatu, maumau e pe ‘ana fa’apea na ‘ese se isi gāluega na filifili ‘e gālulue ai, ‘e tusa ai ma ni fa’amaumauga na maua ‘i se sā’ili’iliga fou, Evolving Working Life Report, na fa’atautaia ‘e le ‘upega ‘o feso’ota’iga mō le sā’iliga ‘o gāluega le SEEK.

Na fa’aalia ai, ‘e 1045 ‘i lātou na tali, mā ‘o le 54 pasene na o lātou fa’aalia, ‘ua salamō lava ‘i la lātou filifiliga na faia ‘i gāluega na gālulue ai.

‘O le māfuaaga mō le tusa ma le ‘afa ‘o tagata ia na fa’ailoa lea tūlaga, ‘ona ‘e le’i lava a lātou tupe na maua, 36 pasene na o lātou tā’ua, ‘ua sui fo’i mea ‘e fiafia ‘i ai, 24 pasene na o lātou fa’aalia, ‘e lē fa’amalieina ‘i lātou i a lātou gāluega, ‘a’o le isi 22 pasene, ‘e lē pāleni le faigāluega ma le soifuaga mā ‘o le māfua’aga ‘autū lea ‘o le lē fa’amalieina ‘o i lātou.

‘O le tupulaga talavou, ‘o lo’o muamua ‘iā i lātou le lē lava ‘o tupe ‘e maua le māfua’aga ‘ua salamō ai i gāluega na o lātou filifiliina.

‘Ae 52 pasene ‘o lo’o fiafia ‘i le tūlaga ‘o a lātou gāluega mō le lumana’i.  ‘E 55 pasene ‘e talitonu, ‘o a lātou gāluega ‘o lo’o iai ‘i le taimi nei, ‘o le ‘ā fa’aauau pea ‘i le isi 10 tausaga ‘o lumana’i, ‘ae na’o le 11 pasene ‘e popole ‘i le ono vāea ‘o lātou tomai ma le silafia ‘o lo’o iai, ‘ona ‘o le vave ‘o le tēkonolosi.

Link to RNZ (Article) translated: https://www.rnz.co.nz/news/national/556916/more-than-half-of-workers-regret-career-choice-report

ATA: SCR (file).