Silia ma le 50% tagata ‘ua fa’aitīitia penefiti

‘E silia ma le 50% tagata ‘ua fa’aitīitia penefiti, pei ‘ona fa’alauiloa mai ‘i fa’amaumauga lata mai. ‘E telē le a’afiaga ‘i tagata ‘e maua penefiti, mai ‘i fesuia’iga ma fuafuaga ‘a le mālō. Mai le kuata ‘o le tausaga ‘e o’o mai ‘iā Iuni, ‘e silia ma le 50% tagata na fa’aitīitia pē na iai suiga ‘iā lātou penefiti.

‘I faʻamaumauga lata mai ‘a le Matāgāluega ‘o Ātinaʻega ‘o Agafeso’ota’i, ‘o loʻo faʻaalia ai, ‘e 380,889 tagata na maua faʻamanuiaga ‘autū ‘o isi itū’āiga ‘i le fa’aiuga ‘o Iuni, si’itia ‘i le 8.3 pasene, poʻo le 29,130 tagata faʻatusatusa ‘iā Iuni 2023. Mai ‘i lea fuāinūmera, ‘e 113,931 na mauaina le Jobseeker Support po’o le penefiti ‘a’o saili gāluega, si’itia 14.8 pasene ‘i lea tausaga ma lea tausaga. ‘O Northland sā sili ‘ona toʻatele le faitau aofaʻi ‘o tagata ‘e maua le penefiti sa’ili gāluega, ‘e 10.5%, pe ‘ā fa’atusatusa ‘i isi pitonu’u ‘o Niu Sila.

Na valo’ia ‘e le Matāgāluega ‘o Tupe, ‘o le ‘ā si’itia pea le nūmera ‘o tagata ‘e talosaga mō penefiti, talu na vāea le to’atele ma le  47,000 ‘o tagata ‘ua lēai ni gāluega, talu ‘ona tūla’i mai le faigāmālō fou. ‘E 10,389 penefiti na fa’aitīitia ‘i le kuata ‘e o’o mai ‘iā Iuni, si’itia le 3630 pē 53.7% faʻatusatusa ‘iā Iuni 2023.

ATA: Social Development Minister Louise Upston / Samuel Rillstone (RNZ).