Silia ma le 50% ‘o ā’oga Niu Sila ‘e fa’atinoina suiga ‘i sone

‘E i luga atu ‘o le 50% ‘o ā’oga ‘i Niu Sila, ‘o le ‘ā ‘āmata ‘ona lātou fa’atinoina le suiga, ‘o le talia ma le fa’aulu ‘o tamaiti mai isi sone ‘iā lātou ā’oga. 

Pe ā ma le 2500 ā’oga ‘i le atunu’u, ma ‘e iai le talitonuga, ‘e o’o atu ‘i le fa’ai’uga ‘o le tausaga nei, ‘ua fa’atino lea fuafuaga ‘e le silia ma le ‘afa ‘o lea fuainūmera ‘e aofia ai le tolu kuata ‘i Mātū ‘o Aukilani ma Canterbury.  Na fa’aalia ‘e pule ā’oga ‘i le Leitiō Niu Sila, sa mo’omia le iai ‘o sone, ‘e fuafua lelei ai le vave ‘o le to’atele ‘o tamaiti peita’i, ‘a sui nei ma ‘āmata ia faiga, ‘o le ‘ā āfāina ai ā’oga, ma ‘e iai nisi ā’oga ‘ua o lātou te’enaina lea faiga.  ‘O lea polokalame, ‘e fa’amautinoa ai, ‘e mafai ‘e tamaiti ‘ona ā’o’oga ‘i ni ā’oga ‘o sone lātou te tuā’oi.  ‘Āfai ‘ae iai se avanoa ‘i se ā’oga, ‘e mafai ‘ona talia tamaiti ‘e resitala ‘i isi sone ‘i fafo atu.  ‘I se fa’aaliga ‘a le Matāgāluega ‘o Ā’oga ‘i le mālō na fa’ailoa ai, ‘e iai le fa’amoemoe ‘e o’o atu ‘i le fa’ai’uga ‘o lenei tausaga, ‘ua fa’aopoopo isi ā’oga fou ‘e 61 mō lea polokalame, mā ‘e o’o atu ai ‘i le aofaiga ‘ātoa ‘e 1282. 

Link to RNZ (Article) translated by Savelina Kasiano: https://www.rnz.co.nz/news/national/524483/more-than-50-percent-of-nz-schools-to-implement-enrolment-zones-by-this-year-amid-rapid-growth

ATA: Sāmoa Capital Radio (file).