Silia ma le 300 talavou na fufusu ‘i Wānaka Park anapo

‘E tusa ma le 300 talavou na aofia ‘i se fusu’aga ‘i le paka ‘a Wānaka Park ‘i le pō ‘o le Aso Lulu. Na tā‘ua ‘e leoleo mai le Otago Lakes, na o’o atu vala’au ‘i le ‘Ōfisa ‘o leoleo ‘i le leva o le pō, ‘i se misa ‘i le Dinosaur Park. Na tā‘ua ‘e le leoleo su’esu’e Inspector Matt Scoles, ‘o se fa’anoanoaga ona ‘o le to’atele ‘o ‘i lātou sā ‘āuai, sā tagofia le ‘ava mālosi. ‘E lē itiiti ifo ma le 3 vevesi ‘i le paka pei ‘ona līpotia ‘e le Leitiō Niu Sila. To’atele tupulaga talavou na matapogia ma a’afia ‘i mānu’aga. Fa’aalia ‘e leoleo ‘o le to’atele ‘o le talavou na a’afia ‘i lea vevesi, ‘e lē nonofo ‘i Wānaka.

Link to RNZ (Article) translated by Anna Fa’asolo: https://www.rnz.co.nz/news/national/538029/hundreds-of-young-people-fight-in-wanaka-park

ATA: RNZ / Tess Brunton.