Silia ma le $20 miliona tālā tupe ‘ua toe totogi atu ‘i le ‘aufaigāluega ‘a le Soifua Mālōlōina na lē sa’o le faiga ‘o totogi

‘E silia ma le $20 miliona tālā tupe ‘o le ‘ā fa’aalu ‘e toe totogi atu ‘i le ‘aufaigāluega ‘a le Soifua Mālōlōina, na le’i sa’o le faiga ‘o ō lātou totogi, ‘i ‘a’ai ‘o Nelesone ma Marlborough.

‘O nisi o fa’afītāuli fa’atatau ‘i le tūlāfono o aso mālōlō, na maua ‘i le 2016, na māua ai le lē sa’o ‘o totogi na tu’uina atu ‘e nisi ‘o komiti fa’atonu ‘o pūlega fa’afalema’i, ‘i le ‘aufaigāluega. Na tāʻua ‘e le sui pule sili ‘o le Health New Zealand, Te Waipounamu Martin Keogh, ‘e 3029 tagata faigāluega ‘i Nelson Marlborough ‘o loʻo nofo ‘aitālafu ai le Matāgāluega ‘e tusa ma le $20.6 miliona tālā.

‘E aofia ai tausi ma’i, tagata faigāluega faʻalesoifua mālōlōina, fesoasoani tau ‘i Soifua mālōlōina, ‘o ‘i lātou ‘e faʻamamāina falema’i ma tagata faigāluega ‘i ‘Ōfisa fa’afalema’i. ‘O le aofa’iga ‘o tupe ua māe’a totogiina atu ‘i le 45,667 ‘o tagata faigāluuga, ‘e silia ma le  $334.1 miliona tālā.  

Link to RNZ (Article) translated: https://www.rnz.co.nz/news/national/557792/nelson-and-marlborough-health-nz-staff-get-20-million-in-holidays-act-remediation-payments

ATA: SCR (file).