Si’itia le nūmera ‘o ē ‘e lēai ni gāluega

‘Ua si’itia le nūmera ‘o tagata ‘e lēai ni gāluega ‘ae o lo’o mātauina le telegese ‘o le si’itaga ‘o totogi ‘i ‘au’aunaga fa’atūma’oti ‘e ui ‘o lo’o tūmau pea le mālosi ‘o le ola po’o le si’itia ‘o totogi ‘i ‘au’aunaga ‘a le mālō. 

‘O fuainūmera fa’amaumauina ‘a le Stats NZ ‘o lo’o fa’aalia ai, ‘e 4.6 pasene na si’itia ai le nūmera fa’aletausaga ‘o tagata ‘e lēai ni gāluega ‘i totonu ‘o māsina ‘e tolu ‘e o’o atu ‘i le fa’ai’uga ‘o Iuni, mai le 4.4 pasene sā iai ‘i le isi tolu māsina muamua atu.  ‘Ua pito sili atu ‘ona maualuga lea pasene nai lō Mati ‘i le 2021 ma ‘o lo’o tele ‘ina ō gatasi ma vālo’aga ‘a le ‘au fai tōfā ‘o le tamāo’āiga fa’apea ai ma le Faletupe Fa’aleoleo.  ‘O le si’itia ‘o le nūmera ‘o tagata ‘e lēai ni gāluega ‘e māfua mai ‘i le lē mo’omia ‘o ni tagata faigāluega ma ‘ua tele fo’i tagata mai fafo ‘ua fa’atumu ai gāluega sā mo’omiaina nisi ‘e fa’atinoina.

Link to RNZ (Article) translated by Savelina Kasiano: https://www.rnz.co.nz/news/business/524393/unemployment-rate-rises-to-4-point-6-percent

ATA: Sāmoa Capital Radio (file).