Si’itia Kiwisaver mō tagata Niu Sila ‘ona ‘o māketi fa’avāomālō.

‘O le mālosi ‘o māketi fa’avāomālō, ‘ua fesoasoani tele ‘i si’itaga ‘i KiwiSaver ‘a tagata Niu Sila, ma pūlea pāleni ‘o tupe i māsina talu ai, ‘e ūi ‘ina fa’alētonu le tamāo’āiga ‘o le atunu’u. ‘I le vā ‘o Ianuari ma Mati ‘o le tausaga nei, na si’itia ai ‘āseta ‘a le KiwiSaver ‘e tusa ma le 7.8 piliona tālā. ‘I lea vaitaimi ‘e  2.52piliona tālā sao ‘o tagata, 4piliona tālā na talaīna auā le fa’atauga ‘o fale muamua. ‘O le isi 1piliona tālā na tala ‘i tua ‘e tagata ‘ua mālōlō lītaea. ‘O lona ūiga ‘e tusa ma le 80 pasene ‘o le si’itaga, ‘e mai ‘i māketi fa’avāomālō.

Na tā‘ua ‘e Dean Anderson, ‘o lē na fa’avaeina le ‘au’aunaga ‘a le KiwiSaver le Kernel, sā sōlōga lelei māketi tau tupe ma sā mautū tupe maua mai ‘i ‘āseta tūmau. Na mātauina ‘e le Stats NZ le fa’atinoga ‘o ‘āseta ‘e pei ‘o le KiwiSaver ma pūlea tupe ‘i ana fa’amaumauga lata mai ‘o le tamāo’āiga, lea na fa’aalia ai le si’itia ‘o le 10 pasene ‘o ia ītuaiga ‘āseta mō ‘āiga ‘i Niu Sila ‘i le tausaga ‘e o’o atu iā Mati.

ATA: RNZ