Sefe tupe ‘a le ‘afa ‘o le atunu’u ‘e ui ‘i le fa’aētonu ‘o le tau ‘o le soifuaga

‘Ua iloa le tūmau ‘o le mālolosi ‘o tagata pe ‘ā fua ‘i le ‘afa ‘o le faitau aofa’i ‘o le atunu’u ‘o lo’o fa’asao a lātou tupe mō taimi ‘e mālōlō ai pe ‘ā mātutua ‘e ui ‘i le taugatā ‘o le tau ‘o le soifuaga pei ‘ona fa’aalia ‘e le Komisi mō tagata ‘ua mālōlō ritaea. 

‘O ni sā’ili’iliga fou na faia ‘e le komisi, na iloa ai, ‘e silia ma le ‘afa ‘o le to’a 3000 na fa’atalanoa, sa o lātou fa’amatala le tūlaga lē mautonu ‘o iai a lātou tupe.  ‘O le ītūpā ‘o tama’ita’i ‘o lo’o pito sili ‘ona iai ia lagona, ‘e fa’apēnā ‘i tupulaga ‘i le vā ‘o le 18 ma le 35 tausaga, pei ‘ona fa’aalia ‘e Tom Hartmann ‘o le komisi.  Na fa’asolosolo ‘ina fa’alētonu ātili le lē mautonu ‘o tama’ita’i ‘iā lātou tupe ma e talu mai le 2022, ‘ua si’itia mai le 51 pasene, āga’i ‘i le 60 pasene ma le 64 pasene ‘o tama’ita’i na lipotia le popole ‘iā lātou matā’upu tau tupe.  ‘O se tūlaga ‘e fa’apopoleina ai le va’ai atu ‘i le to’atele ‘o tagata Niu Sila ‘o feagai ma faigatā ‘i tūlaga tau tupe peita’i, ‘e lelei tele le va’ai atu ‘i tagata ‘o lo’o mafai ‘ona fa’asao ni a lātou tupe mō le lumana’i.  Na si’itia mai le 54 ‘i le 59 pasene ‘i le tausaga ‘e 2022, ‘i lātou ‘o lo’o mafai ‘ona teu ni tupe mō taimi ‘e mālōlō ai ma fa’atūlaga ni fa’amoemoega ‘e fia ‘ausia mō se taimi ‘umi ‘iā lātou tupe.  ‘Ua fa’aalia fo’i ‘i le sā’ili’iliga, ‘o tagata Niu Sila mai le 18 ‘i le ta’i 34 tausaga le mātutua fa’apea ai Pasefika, ‘o lo’o taumafai ‘e fa’aitiitia ‘aitālāfu mo se vāitaimi. 

Link to RNZ (Article) translated by Savelina Kasiano: https://www.rnz.co.nz/news/business/525686/half-of-population-saving-for-retirement-despite-cost-of-living-crisis

ATA: Sāmoa Capital Radio (file).