Saunoa Tuisinavemaulumoto’otua ‘e lē minisitā Stuart Nash pe ‘ā mālō ‘i le pālota

Na fa’aalia ‘e le Palemia Tuisinavemaulumoto’otua Christopher Luxon, ‘e lēai se tofiga minisitā ‘o Stuart Nash pe ‘ā fai ‘ae manumālō lana vāega ‘i le faigāpālota pei ‘ona ia fa’aalia ‘i luga ‘o ‘upega ‘o feso’ota’iga ‘i le pō anapō, talu ai tala fe’avea’i ‘e fa’apea ‘ua fa’amāvae Nash ‘o se sui tauvā mō le New Zealand First. 

Na faitioina Nash ‘e faipule ‘i le Palemene ‘i le Aso Lulu ‘ina ‘ua ia saunoa ‘e fa’apea, ‘e paiē le faipule ‘o le National ‘i Napier, ‘ona ‘e iva māsina ‘e lē faigāluega ‘ae maua pea lona totogi.  Peita’i, ‘e ono māsina na mālōlō ai le tama’ita’i faipule ‘o Katie Nimon mai le Palemene ‘ina ‘ua fānau lana pepe.

Na fa’aalia ‘e Luxon, tusa pe moni pe lē moni fo’i līpoti ‘o le fa’amāvaega ‘a Stuart Nash ‘o se sui tauvā mō le NZ First peita’i ‘ua ia fa’amanino, ‘e lēai sona tofi minisitā ‘i lalo ‘o lana faigāmālō.

Peita’i na fa’aalia ‘e le ta’ita’i ‘o le NZ First Vaovasamanaia Winston Peters ‘i luga ‘o ‘upega ‘o feso’ota’iga ‘i le pō anapō, ‘ua o lātou taliaina le talosaga ‘a Nash, ‘e fa’amāvae ai ‘o se sui tauvā ‘o la lātou pātī.  Muamua atu na saunoa ai Nash, ‘e lē fa’ato’ese ‘i ana tala na fai.

Link to RNZ (Article): https://www.rnz.co.nz/news/political/772673/significant-distraction-stuart-nash-resigns-as-nz-first-candidate-after-sexist-comments

IMAGE/ATA: RNZ / Samuel Rillstone