Sāuni leoleo ‘e fa’amamalu le tūlāfono ‘e fa’asā ai pine ‘a kegi ‘i nofoaga faitele

‘Ua faaalia ‘e le Komesina lagolago ‘o leoleo Paul Basham, sa feiloai atu leoleo ‘i ta’ita’i o kegi ‘ina ia faamanino atu iai le tulafono ‘e ao ona mulimulita’ia ‘e fa’atatau ‘i pine a kegi.  Na fa’aalia e Basham, sa galulue malosi leoleo mo masina e ono e tapnea mo le amataga o le tulafono.  Na ia faaalia o le saogalemu o leoleo ma le atunuu lautele ‘e faamuamua ‘i le faaiuga poo afea tonu ‘e faamalosia ai le tulafono.  Na ta’ua e se tasi o leoleo, o le tapu ma le sa pei ona faatulafonoina ‘e aogā ttele ‘e maua ai le malosiaga ‘o leoleo ‘e tali atu ai i amioga faasolitulafono a kegi.  O le aso 21 Novema ‘e amata faamamaluina ai le Pili ‘o le Gangs Legislation Amendment Bill, ma o le ‘ā faasaina ai ‘ona toe faailoa pine poo faailoilo e iloa ai igoa o kegi i nofoaga faitele .  Na ta’ua e le komesina lagolago, ‘e to’a 77 leoleo o le a fitoi tonu ma lea galuega o le Gang Disruption Officers, lagolago iai le isi toa 25 ‘i le National Gang Units ma o le a ta’ita’ia le fuafuaga ‘o le a faatino ai le fa’amalosia o lea tulafono.

Link to RNZ (Article) translated by Savelina Kasiano: https://www.rnz.co.nz/news/national/533628/police-officers-ready-to-enforce-gang-patch-ban

ATA: RNZ/John Edens