Sāuni le Mālō ‘e fa’aopoopo le nūmera ‘o tagata faigāluega ‘e ōmai ‘i Niu Sila mō gāluega fa’avaitaimi

‘O le ‘ā fa’aopoopo ‘e le mālō le fuainūmera ‘o tagata ‘e fa’ataga ‘ona malaga mai ‘i Niu Sila mō gāluega fa’avaitaimi, ‘a’o lāgā ai ‘e mālō Pasefika, ni lapata’iga ‘o le maumau po’o le ō ‘ese mai ‘o a lātou tagata faigāluega. 

‘E 1,250 ‘o le ‘ā si’itia pe fa’aopoopo ai le fuainūmera ‘o tagata faigāluega fa’avaitaimi ma o’o atu ‘i se fuainūmera ‘e 20,750 mō le 2024/25.  Na saunoa le Minisitā ‘o Femalāgā’iga, Erica Standford, sa o lātou gālulue vāvālalata ma fa’alāpotopotoga ‘ese’ese ‘e fa’avasega po’o ā mea lātou te mo’omiaina mō lenei tausaga ma i’u ai ‘i se fa’ai’uga ‘e fa’aavanoa le isi fuainūmera ‘e 1,250 mō le tausaga nei.  Pe tusa ma le 20% ‘o le itūpā ‘o ali’i ‘e faigāluega ‘i Vanuatu, ‘o lo’o galulue nei ‘i atunu’u ‘i fafo.  Na fa’aalia ‘e le Palemia ‘o Vanuatu, Charlot Salwai ‘i le vāiaso talu ai, ‘o le RSE scheme, ‘e manuia ai itū ‘uma e lua, ‘ona ‘o le polokalame ‘e mo’omia tele tupe fa’amomoli ‘i le Pasefika.  O isi suiga ‘o le RSE scheme, ‘o le ‘ā lē fa’amalosia kamupanī Niu Sila ‘ona totogi le 10 pasene ‘i luga atu ‘o le totogi ‘āmata mō tagata faigāluega vaganā ‘o nit agata ua lava tomai, ma o le a toe aveesea le taofiga ‘o siitaga ‘i tau o fale e nonofo ai ‘aufaigāluega.  ‘O le taimi nei, ‘e tatau ‘i fale faigāluega ‘ona totogi tagata gālulue fa’avaitaimi ‘i le 30 itula ‘i le vaiaso, peita’i ‘o suiga ia ‘ua faia, ‘ia tele lava ‘ina 30 ītūlā ‘i le vāiaso ‘i le piliota ‘o vaiaso ‘e fa ‘e tatau ‘ona ‘ave ‘i tagata faigāluega. ‘Ae ‘e mafai ‘ona tasi le visa, ‘ae tele taimi ‘e mafai ‘ona ulufale mai ai le tagata ‘i Niu Sila, ‘e mafai fo’i ‘ona a’oa’oina ‘i nisi tomai ‘e lē fa’apitoa tonu ‘i matātā ‘o gālulue ai ‘i gāluega fa’avaitaimi.

Link to 1News (Article) translated by Savelina Kasiano: https://www.1news.co.nz/2024/08/14/government-to-increase-cap-on-seasonal-workers/

ATA: Sāmoa Capital Radio (file).