Sāuni Hawke’s Bay mō ni lōlōga ‘i le asō, le Boxing Day

‘Ua tāpena sui ‘o le Pūlēgānu’u ‘o Hawke’s Bay mō ni lōlōga ‘e ono tutupu ‘i le asō ‘ona ‘o le mamafa ‘o tīmuga.  ‘O le lapata’iga lanu moli na tu’uina atu ‘e le ‘Ōfisa vā’aitau mō se taimi mai le taeao analeilā mo Gisborne-Tairāwhiti ma le itū ‘i mātū ‘o Napier.  ‘O lo’o fa’amālosia ia lapataiga mai le 6 ‘i le taeao analeila ‘e o’o atu ‘i le 6 ‘i le taeao ‘o le Aso Faraile ‘i Gisborne ma le 9 ‘i le taeao nei ‘e o’o atu ‘i le 1 ‘i le aoauli ‘o le Aso Faraile ‘i le itū ‘i mātū ‘o Hawke’s Bay. 

‘O le ‘ā ono vave si’isi’i le suāvai ‘i vaitafe ma ono iai fo’i ni tāfega ma lōlōga  fa’apea ma ni sōloga ‘o ‘ele’ele.  Na tā’ua ‘e le Pūlēgānu’u ‘a Hawke’s Bay, ‘ua toe vala’auina nisi ‘o le ‘aufaigāluega mai a lātou mālōlōga ‘auā tāpenaga.  Ui ‘i lea, na tā’ua ‘e le MetService, ‘e laitiiti lava se avanoa ‘e ono si’i ai ‘i le lanu mūmū le lapata’iga.

‘O lo’o fautuaina ia vāega ‘o Hawke’s Bay ‘ina ‘ia taga’i ‘i le ‘upega ‘o feso’ota’iga ‘a le Metservice mō ni fa’amatalaga lata mai ‘i le tūlaga ‘o le tau.

Link to RNZ (Article) translated by Savelina Kasiano: https://www.rnz.co.nz/news/national/537606/weather-hawke-s-bay-gears-up-for-possible-boxing-day-flooding

ATA:The Wairoa River at high levels in Northern Hawke’s Bay in 2023. Photo: Supplied