Sāuni ‘aufaigāluega ‘o ta’avale falema’i ‘e solo tete’e

‘E na’o le 70 pasene ‘o le nūmera māsani ‘o ta’avale ‘a le St John ‘o le ‘ā fa’atinoina le ‘au’aunaga ‘i taimi pito pisi ‘o solo tete’e ‘a tagata faigāluega. 

‘E 4 itūlā ‘o le ‘ā fai ai le tete’e ‘a sui ‘o le iuni ‘a le ‘Asosi ‘o ta’avale falema’i ‘a Niu Sila ma le First Union, mai le ‘āmataga ‘o sifi ta’itasi, na ‘āmata mai le itūlā ‘e 4 ‘i le vaveao ‘o le Aso Lua ‘ae māe’a ‘i le 4 ‘i le vaveao ‘o le Aso Lulu.  ‘Ona toe fa’aauau lea ‘i le 4 ‘i le vaveao ‘o le Aso To’ona’i se’ia o’o atu ‘i le 4 ‘i le vaveao ‘o le Aso Sā.  Na fa’ailoa ‘e le ‘Asosi ‘a Ta’avale Falema’i ‘a Niu Sila, ‘e le’o ‘ausia ‘e le ofo lea na tu’uina atu ‘i le Aso Tofi talu ai, le mana’oga ‘o iuni.  ‘Ua ‘uma ‘ona lātou feso’ota’i atu ‘i le St John, ‘o le ‘ā o lātou feiloa’i fesāga’i ‘i so’o se taimi, muamua ‘a’o le’i faia le tete’e ‘ina ‘ia taumafai ‘e maua se tali ‘ona ‘o lea ‘ua maua sina vaega tupe mai le Soifua Mālōlōina ‘a Niu Sila.  ‘E ao ‘ona vala’au pea tagata ‘i le 111 pe ‘ā tūla’i mai ni tūlaga ‘e mo’omiaina vave ai se fesoasoani pei ‘ona fa’aalia ‘e le fa’alāpotopotoga.

Link to RNZ (Article) translated by Savelina Kasiano: https://www.rnz.co.nz/news/national/525543/ambulance-staff-set-to-strike

ATA: Supplied / First Union (RNZ).