Sā’ilia le ‘aveta’avale na ‘uma ai le ola ‘o se tagata ‘i Uēligitone

‘O lo’o su’esu’eina ‘e leoleo se fa’alavelave na lavea ai se tagata ‘i Uēligitone ‘ae sola le ‘aveta’avale.  Ma ‘ua vala’au leoleo ‘i le ‘aveta’avale ‘o se Toyota Aqua lanu pa’epa’e ‘ina ‘ia o’o atu. 

‘O le aso 17 Iuni na maliu ai se tagata ‘ina ‘ua lavea ‘i Ghuznee Street ‘i totonu ‘o le taulaga.  Na tā’ua ‘e Scott Rankin ‘o se Sātini su’esu’e, ‘o su’esu’ega ‘āmata, na fa’ailoa ai, ‘ātonu ‘e le’i silafia ‘e le ‘aveta’avale na lavea le tagata ‘iā te ia.  ‘Ua vala’au ai ‘i so’o se tagata na va’ai pe molimauina le fa’alavelave ‘ina ‘ia o’o atu, ‘ae pē na va’ai fo’i ‘i se ta’avale fa’apea, po’o lea fo’i itū’āiga ta’avale, ‘i le tusa ‘o le toe sefulu mīnute ‘i le sefulumaletasi ‘i lea pō. 

ATA: NZ Herald.