Sā’ilia ‘e leoleo le veni ‘o lo’o tauanauina tamaiti/tēneiti ‘ina ‘ia ‘ave fa’amālosi ‘i Porirua

‘Ua lapata’ia mātua ‘i Uēligitone ‘aemaise ‘i Porirua, ‘ia tautuana alo ma fānau teine, ‘ona ‘o se ta’avale ‘o lo’o ta’amilo ‘e le gata ‘i ā’oga, ‘ae fa’atalitali ‘i fafo ‘o fale’oloa, ‘e tauanau tamaiti ‘aemaise fānau teine ‘e ‘ave fa’amālosi.

‘O le fa’ai’uga ‘o le vaiaso talu ai na līpotia ai le va’aia ‘o lea veni ‘i le Pak n Save Porirua. ‘O ananafi na lafo ai ‘ē sē tasi ‘o kolisi ‘i Porirua se ‘īmeli ‘i mātua, ‘e lapata’ia ai mātua ona ‘ua o’o atu ‘i le nofoaga ‘e paka ai ta’avale ‘a le ā’oga lea veni. ‘O lo’o faia su’esu’ega ‘a leoleo ‘i lea matāupu. ‘O lo’o fautuaina ‘ā iai nisi ‘e maua ai ni fa’amatalaga ‘e uiga ‘i lea veni, ‘ia fa’afeso’ota’i leoleo ‘i le nūmera 105 ma fa’aaogā le case number P059769044.

ATA: Sourced from FB (Porirua/Lower Hutt Community pages).