Sā tatau ‘ona fa’aaogā ‘e leoleo ni drones ma ta’ifau ‘e sa’ili ai Tom Phillips; saunoa ai David Craig

‘Ua faitiona ‘e David Craig ‘o ‘Ausetālia le tuai ‘o gāioiga ‘a leoleo Niu Sila ‘i le sā’iliga ‘o Tom Phillips, ‘ina ‘ua līpotia lata mai nei, le toe va’aia fo’i ma lana fānau lāiti ‘e to’atolu ‘e lata ‘i Marokopa.  ‘O le aso 12 Tēsema 2021, na lē toe va’aia ai Phillips ma lana fānau ‘o Jayda, lea ua 11 nei ona tausaga, ‘o Maverick ‘e 9 ma Ember ‘e valu tausaga. 

‘Ae ‘e iai se ata video na pu’eina ‘e le au fanafana ‘i mātū ‘o Awamarino ‘i Waikato ‘i le aso 3 ‘Oketopa, na va’aia ai se taule’ale’a, ‘o mulimuli atu ai ma ni tamaiti se to’atolu ma ni a lātou ‘ato fa’afafa, ‘ae ‘o lo’o fai ni a lātou mata pulepule.  Na va’aia pe tusa ma le 20 ‘i le 30 mita le mamao ‘ese mai le au fanafana, ‘ae na mulimuli ane lē toe va’aia fo’i.  Po’o ni nai ītūlā ‘ae tali atu leoleo.  ‘I luga ‘o le Checkpoint ‘a le Leitiō Niu Sila, na fa’aalia ai ‘e Craig, ‘o se tasi na ‘avea ma leoleo su’esu’e ‘i ‘Ausetālia, ma ‘e iai fo’i ‘i le polokalame ‘i le televise ‘o le Hunted Australia, sā tatau ‘i leoleo ‘ona fa’aaogā se tekonolosi ma vave fa’aaogā ta’ifau ‘ina ‘ua toe va’aia Phillips ma lana fānau. 

Na fa’aalia ‘e leoleo, na ‘āmata a lātou sā’iliga ‘i le afiafi ‘o le aso 3 ‘Oketopa, peita’i, ‘o le Aso Faraile na fa’ato’ā fa’agāsolo ai se sā’iliga tele ma ‘e tolu aso na fa’atinoina ai peita’i ‘e le’i manuia.  ‘O lo’o masalomia le iai ‘o nisi ‘o lo’o fesoasoani ‘iā Phillips ‘i le fa’alafiga ‘o tamaiti.

Link to RNZ (Article) translated by Savelina Kasiano: https://www.rnz.co.nz/news/national/530186/tom-phillips-police-should-use-thermal-drones-and-search-dogs-hunted-australia-s-david-craig-says

ATA: A still from a video taken by pig hunters on 3 October, purported to be fugitive father Tom Phillips and his three missing children. Supplied / John McOviney (RNZ).