Popole pulea’oga ‘i su’ega fou mō tamaiti ā’oga ‘e pasi ai le NCEA

‘Ua iai se popōlega ‘i puleā’oga ma faiā’oga, ‘i su’ega fou na fa’ata’atitia mai mō tamaiti ā’oga, ‘e su’e ina ‘ia pasi ai le NCEA, ‘e ono ‘avea ma mea ma māfua’aga ‘e toe ‘ave fa’alua ai vasega, ma fa’ama’amulu ai isi tamaiti ā’oga ‘ona ‘o le lē ‘ausia ‘o alafua fou pei ona tu’uina mai ‘e le mālō.

‘O alafua fou ‘e tatau ‘ona ‘ausia ‘e tamaiti ā’oga, ‘e fa’amoemoe ‘e fa’aleleia ai le faitau tusi, nūmera ma le tusitusi. Fa’aalia ‘e le puleā’oga ‘a le kolisi ‘o Aorere Leanne Webb, na feagai fānau ā’oga ma fa’afītāuli ‘i le taimi na su’e ai ia su’ega mo le taimi muamua iā Mē. ‘I ā’oga ‘e to’atele tamaiti mai ‘āiga ‘e maualalo tupe maua, ‘o le 80 ‘i le 90 pasene ‘o tamaiti ‘o le ‘Igilisi ‘o le gagana lona lua, pei ‘ona lipotia ‘e le Leitiō Niu Sila.

Link to RNZ (Article) translated by Anna Fa’asolo: https://www.rnz.co.nz/national/programmes/checkpoint/audio/2018952312/principles-fear-ncea-co-requisites-fail-to-give-students-a-fair-go#:~:text=Some%20principals%20fear%20new%20literacy,and%20some%20dropping%20out%20altogether.

ATA: NCEA Assessments / Supplied (RNZ).