Poloka le pasese ‘a le Aratere ‘i luga ‘o le va’a mō itūlā ‘ona ‘o se fa’alētonu

Na fa’atalitali le pasese ‘a le va’a ‘o le Aratere mō ni ītūlā ‘i luga ‘o le va’a ‘i le pō anapō ‘ina ‘ua leaga ‘a’o āga’i atu ‘i Uēligitone.  Na fa’aalia ‘e le KiwiRail na tu’ua ‘e le Aratere le uafu ‘i Picton pe tusa ‘o le toe sefulu minute ‘i le 9 ‘i le pō anapō, peita’i na feagai ma se fa’afītāuli ‘e le’i māfaufauina ‘a’o folau.  Na fa’aleleia lea fa’afītāuli pe tusa ‘o le tasi ‘i le vaveao ma toe fa’aauau ai lana malaga ‘i Uēligitone, ma le fa’amoemoe ‘e taunu’u ‘i le vaveao analeila pe tusa ‘o le lima.

Peita’i, na fa’alēaogāina le faigāmalaga na fuafuaina ‘i le kuata ‘e te’a ai le 6 ‘i le taeao lava analeilā mai Uēligitone mō Picton fa’apea ai ma le malaga ‘i le 11 ‘i le taeao mai Picton mō Uēligitone, ‘ona ‘o nisi su’esu’ega ‘i le va’a pei ‘ona tā’ua ‘e se so’o’upu.  Na fa’amalie foi le kamupanī ‘i tagata na fuafuaina faigāmalaga ‘ona ‘o ia fesuiā’iga.  Na iai ni ta’avale ma ni tagata na poloka ‘i luga ‘o le va’a mō ni nai ītūlā, sa fa’atalitali mō se fai ‘eletise fa’apitoa ‘e taunu’u atu.

‘O le tala ‘a le pūlega ‘o le ‘au’aunaga ‘i lea taimi, sā va’aia lelei tagata malaga na iai, ma fuafua ‘e ‘ave ‘i isi faigāmalaga pe ‘ā taula ‘i le uafu.  ‘O le māsina ‘o ‘Aperila na a’afia ai fo’i se vāega ‘o le ‘eletise ‘i le Aratere ma lē fa’ataunu’uina ai fo’i se tasi ‘o faigāmalaga.

Link to RNZ (Article) translated: https://www.rnz.co.nz/news/national/563846/aratere-passengers-stuck-on-board-for-hours-because-of-electrical-fault

ATA: RNZ / Samuel Rillstone