Pē le paoa ‘i le va’a ‘o le Connemara

Pe tusa ‘o le 2 i le vaveao analeilā, na toso ai ‘i le uafu ‘i Uēligitone le va’a ‘o le Connemara ‘a le Bluebridge.  Pē tusa ma le lima ma le ‘afa itūlā muamua atu, na pē ai le paoa ‘i luga ‘o le va’a ma ‘āmata ai ‘ona tafea ‘i Cook Strait. 

‘O le fa’amatalaga ‘a Grant Nalder ‘o le uafu ‘i Uēligitone, na pē le paoa pe tusa ‘o le ‘afa ‘o le 10 ‘i le pō ‘o le Aso Tofi, ‘a’o āga’i atu ‘i Picton.  ‘E to’avalu tagata sā iai ‘i luga ‘o le Connemara ‘e tusa ai ma se fa’amatalaga ‘a le sui ‘o le uafu ‘a Uēligitone.  Sā molimauina lava ‘i lenei tausaga le iai ‘o taimi na fa’alētonu ai afi ‘o va’a ‘a le Bluebridge fa’apea fo’i ma le Interislander.  Na pē fo’i le paoa ‘a se isi va’a ‘a le Bluebridge ‘i le māsina ‘o Me, ‘a’o ofi atu ‘i le uafu ‘a Uēligitone.

Link to RNZ (Article) translated by Savelina Kasiano: https://www.rnz.co.nz/news/national/528499/bluebridge-ferry-arrives-back-in-wellington-after-drifting-for-hours-in-cook-strait

ATA: Samuel Rillstone / (RNZ).