Pe ā ma le 500 tagata ‘e maua ‘i le Dementia ‘i le vaiaso

‘E pē ā ma le to’a 500 tagata Niu Sila ‘e maua ‘i le Dementia ‘i le vaiaso, ‘e tusa ai ma su’esu’ega fou ‘a le Iunivesetē ‘a ‘Aukilani. ‘E tasi mai le 4 tagata Niu Sila ‘e māliliu ‘a’o maua ‘i le Dementia. ‘E lata ‘i le 170,000 tagata Niu Sila ‘o le ‘ā soifua fa’atasi ma lea gasegase se’ia pā’ia le 2050.

‘O le ‘ā vave si’itia le nūmera o tagata Māori, Pasefika ma Asia ‘e maua ‘i le Dementia ‘e tusa ai ma su’esu’ega fou. ‘I se fa’amatalaga mai le pule sili ‘o le Alzheimer’s NZ Catherine Hall, ‘e fa’apea ‘o le gasegase o le mafaufau po’o le Dementia, ‘e le’o se fa’afītāuli po’o se popōlega mō le lumana’i, ‘ae o le fa’afītāuli ua ‘avea ma lu’itau mō le Soifua Mālōlōina ‘i le taimi nei.

‘Ua gālulue fa’atasi le Alzheimer’s NZ, le Dementia NZ, Te Mate Wareware Advisory Rōpū ma le NZ Dementia Foundation ‘e faia se fuafuaga ‘e toe lauliliu ai le Dementia Mate Wareware Action Plan 2026-2031. ‘Ua vala’au le Alzheimer’s NZ ‘i le mālō, ina ia fa’aopoopo le fa’atupega o ‘au’auanga talafegai e 17 mo le Dementia. 

Link to 1News (Article) translated: https://www.1news.co.nz/2025/09/24/500-new-zealanders-a-week-develop-dementia-study/

ATA: SCR (file).