Pa’ū maualalo nūmera ‘o tagata ‘i gāluega ‘e ā’o’oga ma gālulue ai

‘O le tausaga talu ai lea na fa’ato’ā toe pa’ū maualalo lea ‘o le fuainūmera ‘o tagata ma tupulaga ‘e gālulue ‘i ni fale faigāluega ma ā’o’oga ai, talu mai le 15 tausaga ‘ua tuana’i mā na fa’aauau pea ‘ona pa’ū ‘i le kuata muamua ‘o le tausaga nei. 

Na fa’aalia ‘i fa’amaumauga ‘a le Matāgāluega ‘o Ā’oga ‘e 108,315 tagata na ‘i fale faigāluega na gālulue ma ā’o’oga ai ‘i le tausaga talu ai, ‘ua la’itiiti ifo nai lō se isi lava tausaga talu mai le 2011, mā sā 32 pasene na pa’ū ai mai le taimi sa pito sili ‘ona maualuga ai ‘i le 2022, le 158,570.

‘I se fa’amatalaga na fa’ailoa atu ‘i le Minisitā ‘o A’oa’oga Maualuluga, Penny Simmonds, ‘i le māsina ‘o Iūlai na fa’ailoa ai, na pa’ū ātili ‘i lalo le fuainūmera ‘o tagata fou ‘e resitala ‘i ia polokalame, ‘i māsina ‘e tolu muamua ‘o le tausaga, 11 pasene ‘ua maualalo ifo ai, ‘i le piliota lava lea ‘e tasi ‘i le 2025.

Na fa’aalia ‘e nisi ‘i totonu ‘o ia lava ‘au’aunaga, na māfua lea pa’ū, ‘ona ‘o le tūlaga faigatā ‘o le tamāo’āiga ‘i le taimi nei, ‘o le fa’amuta ‘o vaegātupe ‘o lo’o fesoasoani ai le mālō mō ‘i lātou ‘i totonu ‘o ia polokalame, fa’atasi ai ma le suiga ‘i pōlisi mō a’oa’oga po’o training.

Link to RNZ (Article): https://www.rnz.co.nz/news/education/1238083/apprenticeship-numbers-hit-15-year-low

IMAGE/ATA: RNZ / John Gerritsen