Pa’ū le tūlaga lagolagoina ‘o le National ma le Labour ‘i le su’esu’ega ‘o le 1News Varian Poll

Sā pa’ū tēisi ‘i lalo le tūlaga lagolagoina ‘e le ‘au pālota ‘o le pātī ‘a le National fa’apea ai fo’i ma le Labour, ‘i le taunu’uga ‘o se su’esu’ega lata mai, sā fa’afoe ‘e le 1NEWS-VARIAN.

‘E lē gata ‘i lea, ‘ae sā fa’apea fo’i ‘ona pa’ū ma le aofa’iga ‘o tagata ‘e lagolagoina  ta’ita’i ‘o pātī ‘autū nei ‘e lua, ‘ia Christopher Luxon ma Chris Hipkins.

‘O le 25 pasene ‘o tagata sā fesiligia ‘i lenei sā’ili’iliga, ‘e lagolagoina le ‘avea ‘o Luxon ma palemia ‘o le atunu’u, tusa ‘e tolu pasene ‘ua pa’ū ai mai le tūlaga sā iai talu ai, ‘ae 15 pasene ‘e lagolagoina Chris Hipkins, ‘e tolu fo’i pasene na pa’ū ai ‘i lalo mai fuainūmera sā iai talu ai.

‘O le pātī ‘a le National ‘e 37 pasene le tūlaga lagolagoina, ‘a o le Labour ‘e 29 pasene, mā ‘e tusa ‘e ta’i tasi pasene na pa’ū ai le tūlaga lagolagoina ‘e le ‘au pālota, ‘o pātī ‘uma nei ‘e lua.

Link to RNZ (Article) translated by Lauano Ilaoa: https://www.rnz.co.nz/news/top/530731/national-labour-and-their-leaders-suffer-in-latest-1-news-verian-poll

ATA: RNZ