Pa’ū le aofa’i ‘o avanoa faigāluega ‘ātoa ma talosaga mai tagata su’e gāluega

‘O lo’o fa’aauau pea ‘ona pa’ū ‘i lalo le aofa’iga ‘o avanoa faigāluega ‘e fa’asalalauina ‘i totonu ‘o Niu Sila ‘i le taimi nei, ‘e lē gata ‘i lea, ‘ae ‘ua fa’apēna fo’i ‘ona pa’ū ma le aofa’iga ‘o tusi talosaga mai tagata ‘o lo’o su’e gāluega mō le taimi muamua talu mai le tausaga ‘ātoa ‘ua mavae atu nei.

‘O se līpoti lata mai nei ‘i le ‘upega ‘o feso’ota’iga, ‘a le SEEK, ‘o lo’o tā’ua ai le pa’ū ‘i le ‘afa pasene ‘o avanoa faigāluega sā fa’asalalauina ‘i le māsina ‘o Sētema, ‘ina ‘ua tuana’i le sili atu ‘i le tausaga ‘ātoa ‘o alualu mālie ‘i lalo, se’ia o’o mai ‘i le māsina ‘o ‘Aukuso, sā iai sina si’itaga la’ititi.

Sā fa’amauina fo’i se pa’ū ‘e 2 pasene ‘i le aofa’iga ‘o tagata ‘e talosaga mō se avanoa faigāluega ‘e tasi ‘e fa’asalalauina.  Na fa’ailoa mai ‘e le ali’i pule ‘o le kamupanī ‘a le SEEK, ‘o Rob Clark, ‘o fuainūmera ma fa’amaumauga nei, ‘e atagia ai se tūlaga femoumoua’i ma le vaivai ‘o le māketi ‘o mea tau gāluega ‘i lenei vaitaimi.

Link to RNZ (Article) translated by Lauano Ilaoa: https://www.rnz.co.nz/news/business/531364/job-ads-applications-both-drop-it-s-still-a-pretty-subdued-market

ATA: RNZ