Pa’ū ātili le tūlaga ‘o Niu Sila ‘i le lisi ‘o atunu’u ‘i faiga pi’opi’o

‘O ananafi na fa’asalalauina ai ‘e le Transparency International, fa’amaumauga pito lata mai ‘o atunu’u ‘e pi’opi’o ma sā molimauina ai le si’itia ‘o faiga taufa’asesē ‘i Niu Sila, faiga pi’opi’o ‘i tuā’oi ma ‘au’aunaga ‘o femalāgā’iga, ma le lē manino ‘o ‘au’aunaga ‘i vāega ‘e fīnauina ni matā’upu.

Na pa’ū maka ‘o Niu Sila mai le 85 ‘i le 83, ma ‘ua tūla’i mai ai ‘i le tūlaga 4.  Me’i atu Singapore ‘i le tūlaga tolu, ma ‘ua fāoa ai fo’i le tūlaga muamua ‘o Niu Sila ‘i ‘Āsia Pasefika.  ‘O le tele ‘o tausaga, sā fa’amauina ai Niu Sila, ‘o se atunu’u ‘e pito sili ‘ona la’itiiti faiga pi’opi’o ‘e fa’atinoina ai, sā ō tutusa ai ma Denmark.  Peita’i na ‘āmata ‘ona pa’ū le tūlaga maualuga ‘o Niu Sila sā iai, ‘i le tausaga ‘e 2015, mā ‘e ui na toe fo’i ‘i se tūlaga lelei ‘i le 2020-2021, ‘ae fōliga mai ‘o le pa’ū lea ‘ua iai ‘i le taimi nei, ‘ua televave tele. 

Na tā’ua ‘e le pule sili ‘o le TINZ, ‘e le’i faia ‘e Niu Sila se faiga ‘e puipuia ma tāofia ai le va’ava’aiga lelei ‘o faiga pi’opi’o, mā ‘e le’i faia fo’i ‘e Niu Sila, se gāioiga, ‘e tali ai ‘i le tūlaga mo’omia mō se lālā ‘e matuā lava ‘ona fa’atōtogaina, ‘e ta’ita’ia ia fuafuaga.  ‘Ae sā manino lava le ‘auala ‘e mafai ‘ona toe fo’i ai Niu Sila ‘i lona tūlaga maualuga sā iai pei ‘ona saunoa le ta’ita’ifono ‘o le fa’alāpotopotoga fa’avāomālō, le Transparency International.

Link to RNZ (Article) translated by Savelina Kasiano: https://www.rnz.co.nz/news/political/541602/new-zealand-slips-further-down-global-corruption-list

ATA: SCR (file).