Pasi le NCEA ma su’ega ‘a Cambridge ‘a le 10 tausaga

‘E na’o le 10 tausaga ‘o le tamaitiiti ‘o Raymond Hsu ‘o Porirua ‘e i le Vasega 6, ‘ae ‘ua fa’amanuiaina ana taumafaiga ‘i le su’ega o le NCEA Level 1 ma le 2 fa’apea fo’i ma le su’ega ‘i Cambridge.  ‘O su’ega ia ‘e māsani ‘ona su’e ai tamaiti pe ta’i 15 po’o le 16 tausaga le mātutua.

‘O nisi ‘o matā’upu ‘e māsani ‘ona su’esu’e ‘i ai Raymond ‘i luga ‘o le ‘upegatafā’ilagi, ‘e aofia ai le Talafa’asolopito, ‘o polikiki fa’apea ma tala fou.  ‘Ae fiafia fo’i ‘i ana lēsona ‘a’au, karate, tāfafao ma ana uō ma tā’a’alo fo’i ma lona tuafafine ‘i ta’aloga ‘e pei ‘o le Monopoly po’o ni ta’aloga ‘e pei ‘o ni paso.

Pei ‘ona lipotia, ‘e māsani ‘ona alu Raymond ‘i lona ‘āiga ‘ua lēai sana mea’ā’oga ‘o totoe ‘e tatau ‘ona fai, ‘ona va’ava’ai lea ‘o lona tamā ‘i ni itū’āiga polokalame ‘e mafai ‘ona a’oa’o ai ‘i le fale fa’apea ma ni lēsona ‘o le Nūmera ‘i fa’ai’uga ‘o le vāiaso ‘o se avanoa ‘e saga ātina’e ai pea lona iloa. 

‘E ui ‘i le maoa’e ‘o taumafaiga ‘a Raymond ‘i ia su’ega, peita’i, ‘e le’o mimita ai.  ‘E le’o iai fo’i sana fuafuaga ‘e ta’u ai ‘i ana uō le i’uga ‘o ana su’ega.

Link to RNZ (Article) translated: https://www.rnz.co.nz/life/people/10-year-old-in-porirua-celebrates-ncea-and-cambridge-success

ATA: Supplied / Michael Hsu (RNZ).