O’o ‘i le fa’amasinoga maualuga le tagi ‘a tamaiti ā’oga fa’asaga ‘i le ‘eliina ‘o le suāu’u ‘i sami ‘o Taranaki

‘Ua o’o ‘i le Fa’amasinoga Maualuga le tagi ‘a ni tamaiti ‘o lo’o ā’o’oga fa’alōia ‘e fa’asaga ‘i le fa’atagaina ‘o ni kamupanī ‘e faia ni su’esu’ega mō le suāu’u ‘e maua mai ‘i le sami ‘i gātaifale ‘o le itūmālō ‘o Taranaki.

‘O lea tagi sā fa’amaopoopoina ‘i le tausaga ‘e 2022 ‘e le fa’alāpotopotoga ‘a tama ma teine ā’oga ‘o le Iunivesitē ‘o Vītolia ‘i Uēligitone, ‘e fa’aigoaina ‘o le Students for Climate Solutions, ma sā fa’asaga ‘i le Minisitā sā iai ‘i lea vaitaimi mō matā’upu tau ‘i le Mālosi’aga ma Ālāmanuia fa’alenātura.  ‘O le agaga ‘o lenei tagi, ‘ina ‘ia fa’alēaogāina ia pēmita ma le fa’atagaga ia ‘ua tu’uina atu ‘e le minisitā ma le mālō ‘i ni kamupanī lātou te faia ai ni su’esu’ega mō le mālosi’aga ‘o le suāu’u ma le kesi ‘e maua mai ‘i le alititai ‘i gātaifale ‘o Taranaki.

‘E manatu ‘i lātou na faia lea tagi, ‘e le’i lelei le su’esu’eina ‘o lenei matā’upu ‘aemaise ‘o le fa’ai’uga ‘e fa’atagaina ai ia su’esu’ega.  ‘Ua ‘uma ona iloilo lea matā’upu ‘e le fa’amasinoga ‘o talosaga lenei matā’upu, ‘ae ‘o lea lā ‘ua se’e atu nei ‘e tagofia ma faia ‘i ai se fa’ai’uga ‘a le Fa’amasinoga Aupito Maualuga’ a Niu Sila, po’o le Supreme Court ‘i Uēligitone.

Link to RNZ (Article) translated: https://www.rnz.co.nz/news/national/544281/victoria-university-law-students-take-oil-exploration-case-to-supreme-court

ATA: Getty Images / Hagen Hopkins (RNZ).