Ono toe fa’aopoopo tagata fa’amālōlō mai gāluega ‘i le TVNZ

‘O lo’o popole tagata faigāluega ‘a le TVNZ ‘i ni suiga fou na fa’asalalauina atu ‘i le ‘aufaigāluega ‘i le aso ananafi, ‘e ono toe fa’aopoopo ai nūmera ‘o gāluega ‘e fa’amuta ‘i le TVNZ. 

‘O le ‘amataga ‘o le tausaga na fa’asilasila ai ‘e le TVNZ gāluega ‘e 68 ‘e fa’amālōlō ‘e āofia ai polokalame ‘o le Sunday ma le Fair Go. ‘O le tausaga talu ai ‘a’o iai pea le Leipa ‘i le mālō, na fa’amaonia ai ‘e Hipkins, le toe fa’ata’atia ‘ese ‘o le fuafuaga ‘e tu’ufa’atasia ai le Leitiō Niu Sila ma le TVNZ. ‘Ua fa’ailoa mai ‘e le pūlega ‘a le TVNZ, ‘e tatau ‘ona si’itia ‘e le kamupanī ā lātou tupe maua ‘i tausaga ta’itasi ‘i le 30 miliona tālā, pei ‘ona fa’aalia ‘e Michael Wood. ‘O le ‘ā fa’ataunu’u ‘e le TVNZ ana matāfaioi mō tagata Niu Sila, ‘e ala ‘i le fa’amautinoaina lelei ‘o lo’o tāpenaina mea ‘e sili ‘ona lelei, ‘e tagata faigāluega ‘e iai tomai ma le poto māsani ‘i fa’asalalauga.

Link to RNZ (Article) translated by Anna Fa’asolo: https://www.rnz.co.nz/news/national/523878/tvnz-staff-fear-still-more-job-cuts-after-change-process-announced

ATA: RNZ / Michelle Tiang