Ono tāpunia le nofoaga lafoa’i lāpisi ‘i Porirua ‘i le isi lima tausaga

‘E iai le talitonuga, ‘o lalo ifo ‘o le lima tausaga ‘o lumana’i, ‘o le ‘ā tāpunia ai le Spicer Landfill po’o le nofoaga ‘e lafoa’i ‘i ai le lāpisi ‘i Porirua pe ‘ā ‘uma le pemita.  ‘Ua lipotia, ‘o le ‘ā māe’a ai fo’i le faitau fia sefulu ‘o tausaga ‘o sasala le manogi leaga ‘e a’afia ai ‘āiga ‘i pitonu’u tuā’oi ‘e pei ‘o Tawa, peita’i, ‘o le ‘ā  āfāina ai fo’i tagata Porirua ‘ona ‘o le lēai ‘o se mea ‘e ‘ave ‘i ai lāpisi. 

‘Ua molimauina ‘i pepa ‘o fa’amaumauga lea ‘ua tāpenaina ‘e le Pūlegānu’u ‘a Porirua ‘e fa’atalanoa ai tagata lautele, le fuafuaga, ‘e lē toe fa’aopoopoina ai le pemita ma tāpunia ai pe ‘ā māe’a le aogā ‘i le fa’ai’uga ‘o Iuni 2030.  ‘O le ‘ā totoe ai le nofoaga ‘o le Happy Valley ‘i Uēligitone ma le Silverstream Landfill ‘i le Hutt Valley ‘i totonu ‘o lenei itūmālō ‘e taliaina lāpisi.

Link to RNZ (Article) translated: https://www.rnz.co.nz/news/national/587153/problematic-porirua-landfill-could-close-in-less-than-five-years

ATA:  Porirua City Council Website.