Ono ta’i fa’alua ‘i le vāiaso tilīvaga ‘o meli

‘Ua tu’uina atu fa’afautuaga ‘e le mālō ni sūiga ‘i le maliega ‘i le vā ma le NZ Post ‘ina ‘ia fa’aitīitia ‘i le ta’i lua aso ‘o le vāiaso ‘e tiliva ai meli ‘i nu’u ‘i tua ‘ae ta’i tolu aso ‘o le vāiaso ‘i nu’u ‘e lata ‘i ‘a’ai po’o taulaga. ‘O le taimi nei, ‘e ta’i fa’atolu ‘i le vāiaso ‘ona tiliva meli ‘i nu’u ‘i tua, ‘ae ta’i fa’alima ‘i le vāiaso mō nu’u tū lata ‘i ‘a’ai po’o taulaga.
Na fa’aalia ‘e le Matāgāluega ‘o Pisinisi, Fa’afotuga ‘o ma’ema’e fou ma gāluega, ‘o le 2013, le taimi mulimuli na iloilo ai lea pepa ‘o gāluega ‘ua ‘ioeina fa’aletūlāfono, ma sā fa’atūlagaina ‘e toe iloilo ‘i le tausaga ‘e 2018 peita’i na toe tu’u atu ‘i le tausaga ‘e 2024. Na tā’ua ‘e le matāgāluega, talu mai le iloiloga mulimuli, ‘ua telē lava le sūiga ‘i feso’ota’iga fa’atēkonolosi ‘a Niu Sila.
‘O le tausaga ‘e 2022, ‘e tusa ma le piliona ni meli ma āfīfī na ui atu ‘i le NZ Post ‘i le tausaga. ‘O le tausaga fa’aletupe talu ai, ‘e tusa ma le 187 miliona ma ‘ua ‘i ai le talitonuga, ‘e o’o atu i le tausaga ‘e 2028, ‘ua pa’ū ifo ‘i le 107 miliona le aofa’iga ‘o meli ma āfīfī. ‘O le taimi nei ‘o lo’o tu’u avanoa le matāgāluega mō ni finagalo fa’aalia ‘e uiga ‘i lea fuafuaga.
Link to RNZ (article) translated by Savelina Kasiano: https://www.rnz.co.nz/news/national/532197/nz-post-mail-deliveries-could-be-cut-to-twice-a-week-in-towns-and-cities
Ata: RNZ / Diego Opatowski – NZ Post may be required to deliver mail only twice a week in urban areas under proposals to change its deed of understanding with the government.