Ono si’itia mai ‘i le 3 māsina ‘i le 12 māsina le sapalai ‘o Fuālā’au

‘Ua māsani tagata ‘i le sapalai ‘o fuālā’au ta’i tolu māsina, peita’i na fa’alauiloa mai ‘i līpoti ‘a le RNZ, ‘o lo’o fuafua le mālō ‘e si’itia mai le ta’i tolu māsina ‘i le 12 māsina ‘o le sapalai ‘o fuālā’au. ‘O le fa’amoemoega ‘a le Mālō, ina ‘ia fesoasoani ai ‘e tau fa’aitiitia le gāluega ‘a fōma’i. ‘Ua talosagaina ‘e le Matāgāluega ‘o le Soifua Mālōlōina finagalo fa’aalia ‘e uiga ‘i le talosaga, lea ‘e mafai ai ‘e fōma’i ona tusi mai le pepa talavai, ‘e mafai ai ona ‘aumai ‘i tua fuālā’au mō le 12 māsina, ma ‘e ta’i 3 māsina ma ‘aumai, po’o repeats ‘e 3.

Fa’aalia ‘e le Minisitā ‘o le Soifua Mālōlōina Simeon Brown ‘o se tasi lea ‘o la’asaga ‘o lo’o māfaufau ‘iai le Mālō, ‘e faia ina ‘ia fa’aleleia ātili ai ‘au’aunaga ‘a le Soifua Mālōlōina. Fa’ailoa ‘e Luke Bradford, ‘o le fa’atonusili ‘o le Royal New Zealand College of General Practitioners, ‘e lātou te matuā lē lagolagoina lea fuafuaga ‘a le Mālō. Lātou te lagolagoina le fuafuaga ‘e si’itia ai mai le 3 ‘i le 6 māsina, le sapalai ‘o fuālā’au, ‘ae lē lagolgoina le 12 māsina ona ‘e lē sāogalēmū ‘o tagata lautele. ‘E iai taimi ‘e mo’omia ai ona sui fuālā’au ‘i totonu ‘o se piriota, fua ‘i le tūlaga ‘o lo’o iai le soifua maloloina ‘o le tagata.

Link to RNZ (Article) translated: https://www.rnz.co.nz/news/national/542942/dangers-to-increasing-prescription-supply-to-12-months-royal-nz-college-of-general-practitioners-medical-director-says

ATA: RNZ