Ono pito maualuga ‘i le taimi nei nūmera tagata lēai ni gāluega

‘E fōliga mai ‘i le mātau ‘a le ‘au fai tōfā ‘o le tamāo’āiga ‘a faletupe tetele, ‘o le ‘ā lēai se suiga ‘o le nūmera ‘o tagata ‘e lēai ni gāluega ma ‘e ono tūmau ‘i le 5.4 pasene ‘ā lē’o lenā, ‘o le ‘ā sili la’itiiti atu ‘i totonu ‘o māsina ‘e tolu, mai iā Ianuari ‘e o’o mai ‘i le fa’ai’uga ‘o Mati.

Na tā’ua ‘e Wesley Tanuvasa, ‘o le faitōfā ‘o le tamāo’āiga ‘i le Faletupe ‘o le ASB, ‘o le ‘ā fa’ailoa ‘i fa’amaumauga le tūlaga ‘o le māketi ‘a’o le’i tupu le taua, peita’i ‘e iai le talitonuga, ‘o le telē ‘o le nūmera ‘o tagata ‘o sa’ili ni gāluega ‘o le ‘ā ātili alu ai ‘i luga le fuainūmera po’o le aofa’iga ‘o tagata ‘e lēai ni gāluega.  Mā ‘e ono o’o atu le nūmera ‘o tagata ‘e lēai ni gāluega ‘i le 5.5 pasene.  ‘Ae manatu le BNZ ‘e ono o’o atu ‘i le fa’ai’uga ‘o le tausaga, ‘ua o’o ‘i le 5.8 pasene le maualuga ‘o le nūmera ‘o tagata ‘e lēai ni gāluega.  Fa’ato’ā ono toe lelei le nūmera ‘o gāluega ‘i le 2027.

Link to RNZ (Article): https://www.rnz.co.nz/news/business/594322/unemployment-set-to-stay-at-near-decade-high-economists-say

ATA: SCR (file).