Ono fa’atau atu le kamupanī taxi ‘a le Combined Taxis ‘i Ueligitone

‘O lo’o feagai le kamupanī taxi pito ‘i telē ‘i Uēligitone ‘a le Wellington Combined Taxi ma fa’afītāuli tau tupe, ma ‘e ono fa’atauina atu. ‘O le kamupanī taxi pito ‘i telē lea ‘i le laumua, ‘e tusa ma le 330 tama’i ta’avale ‘a le kamupanī pe anaina tūto’atasi. ‘O Iain Bruce Shephard ma Jessica Jane Kellow ‘o le BDO Uēligitone, ‘ua tōfia ‘e ‘avea ma pule so’ofa’atasi ‘o le kamupanī taxi, fa’apea ai ma pisinisi ‘o lo’o feso’ota’i ‘iai, le Wellington Combined Properties ma le Combined Finance Limited.

‘I le ‘ōgātotonu ‘o le 2023, na feagai ai le kamupanī taxi ma tagi mai le tele ‘o ‘aveta’avale, na tāʻua ‘e le BDO na māfua ai le fa’afītāuli tau tupe. ‘O loʻo faʻamalieina pāleni, ‘ae ‘o loʻo feagai pea ma faʻafītāuli tau tupe, ‘o le ‘ā lē mafai ‘ona faʻaauau ona faʻagaioi ‘i tūlaga masani mo le lumana’i. ‘O le taimi nei ‘o lo’o fa’aauau pea ‘au’aunaga māsani ‘a le Combined Taxi ‘i Uēligitone.

Link to RNZ (Article) translated by Anna Fa’asolo: https://www.rnz.co.nz/news/national/528868/wellington-s-largest-taxi-company-in-voluntary-administration

ATA: RNZ / Richard Tindiller.