Ono ‘āmata totogi ‘e ta’avale penisini le fa’aaogaga ‘o ‘auala mai le 2027

‘E ono ‘āmata ‘ona totogi ‘e ta’avale penisini tupe ‘i le fa’aaogaga ‘o auala tetele ‘o feoa’i ai, mai le tausaga ‘e 2027, ‘a’o ‘āmata ai ‘ona toe faia suiga tetele ‘a le mālō ‘i le fa’atupega ‘o feoa’iga ma fela’ua’iga ‘i luga ‘o le ‘ele’ele. 

‘O gāluega ‘i le faiga ma le fa’aleleia ‘o ‘auala, ‘e fa’atupeina mai le National Land Transport Fund, lea ‘o lo’o pito tele ai tupe maua mai lāfoga ‘o penisini, ma tupe ‘e maua mai ‘aveta’avale ‘o ta’avale ‘eletise ma ta’avale tiso.  Na fa’asilasila ‘e le Minisitā ‘o Fela’ua’iga Simeon Brown ‘i le fono ‘o le Building Nations ‘i ‘Aukilani ‘i le Aso Tofi, le fuafuaga ‘e ‘ave ai ta’avale māmā ‘uma lava ‘i le polokalame ‘e totogi ai le fa’aaogaga ‘o le ‘auala tele (road user charges), ‘ae ‘ave’ese mai le totōgiga ‘o lāfoga mō penisini.  ‘O lo’o iai se fuafuaga, ‘e ‘āmata ‘ona fa’agāsolo le tūlāfono ‘i le tausaga fou, ‘ae ono ‘āmata ‘ona totogi ‘i le 2027.  ‘E fa’atino ni faiga ‘e fa’alelei ai lea polokalame ‘i tapenaga ‘i le 2026.

Link to RNZ (Article) translated by Savelina Kasiano: https://www.rnz.co.nz/news/political/526491/petrol-cars-could-be-hit-with-road-user-charges-from-2027

ATA: RNZ.