Ogaoga fa’asalaga ‘i le falepuipui mō tagata ‘e fa’atata’aloa ta’ifau – Shane Jones

‘E mamafa fa’asalaga ‘e ono faia mō tagata ‘e ana ta’ifau mata’utia ma fa’atata’aloa solo ‘e pei ‘ona saunoa ai le Minisitā ‘o le kapeneta, ‘o le faipule fo’i ‘o Northland, ‘o Shane Jones.  ‘O le vaiaso nei lea na osofa’i ai ‘e ni ta’ifau se tama’ita’i ma maliu ai lava.  ‘O le to’atolu ai lea ‘o tagata ‘e māliliu ‘i ta’ifau ‘i Northland ‘i totonu ‘o le 4 tausaga ‘ua tuana’i. 

‘O le Aso Lua na maua atu ai ‘e ‘au’aunaga lāvea’i se tama’ita’i ‘ua ‘uma lona ola.  Na saunoa Jones, ‘o tūlāfono ia ‘o lo’o iai ‘i le taimi nei, ‘e lē talafeagai ma ‘o lo’o iai ta’ifau fasioti tagata (se’i tulou) nei ‘e fa’atata’a solo ‘i Northland ‘ae ‘ua ātili fa’ateteleina fo’i le fa’afītāuli.  ‘E to’aitiiti fo’i tagata ‘e ana ta’ifau ‘o lo’o nofo sala ‘ona ‘o solitūlāfono fa’apea, ma ‘o lona uiga, ‘e lē’o mamafa tele le tūlāfono ‘ae ‘e mo’omia le fa’amamafa ‘o fa’asalaga ‘e aofia ai le nofo sala ‘i le falepuipui mo se taimi ‘umi pei ‘ona saunoa Jones.

Link to RNZ (Article) translated: https://www.rnz.co.nz/news/national/587147/severe-jail-terms-needed-for-owners-of-homicidal-dogs-shane-jones-says-after-northland-mauling

ATA:  RNZ