Ofo atu ‘e le Kmart tupe toe fa’afo’i ‘o ufi moega ‘o le Kerisimasi

‘Ua vala’au le fale’oloa ‘a le Kmart, ‘ina ‘ia toe fa’afo’i atu ‘ie ‘e kava pe ufi ai fa’amalū ‘o moega (quilt covers) ‘o le Kerisimasi, lea ‘ua tā’ua, ‘e iai le so’otaga ma fa’afītāuli ‘o le soifua mālōlōina ‘i ‘Ausetālia.  Na fa’aseā tagata fa’atau ‘i ‘Ausetālia ‘ona ‘o fa’afītāuli na o’o ‘i o lātou māmā ma fatu ‘ona ‘o ia ‘ie.  Sa līpotia fo’i le fa’aseā ‘o ni tagata fa’atau ‘i Niu Sila ‘e uiga ‘i le manogi ‘o ia ‘ie.

Na fa’asalalau ‘e tagata fa’atau ‘i luga ‘o le Facebook ‘a le Kmart le mālosi ‘o le manogi suāu’u ‘i ‘ie, ‘e ui ‘e lē fa’atasi ‘ona o lātou tatāina ia ie, ‘o quilt covers.  Na fa’aalia ‘e se so’o’upu ‘a le Kmart, ‘ā fai ‘e iai ni fa’afesili ‘a tagata fa’atau ‘i lea tūlaga, ‘e tatau ‘ona fa’afeso’ota’i atu la lātou telefoni.  Mō ‘i lātou na fa’atauina quilt covers ‘o le Mrs & Mrs Claus Reversible Queen Size Bed Quilt Cover Set fa’atasi ai ma le Christmas Elf Reversible Single Bed Quilt Cover Set, ‘e mafai ‘ona toe fa’afo’i atu ia ‘oloa ‘i le Kmart ‘ae toe fa’afo’i atu tupe ‘a tagata.

Link to RNZ (Article) translated by Savelina Kasiano: https://www.rnz.co.nz/news/business/535649/kmart-offers-refunds-on-christmas-quilt-covers

ATA: RNZ / Cole Eastham-Farrelly