‘O tagata mātutua ‘e fōliga mai ‘e tele ‘ina māliliu ‘i ni mū ‘o fale ‘i lenei taumālūlū – siaki po’o saogalēmū

‘E sili atu ma le ‘afa ‘o le faitau aofa’i ‘o tagata ia na māliliu ‘i ni mū ‘o fale ‘i le lima tausaga talu ai, ‘o tagata ‘i luga atu ‘o le ta’i 60 tausaga le mātutua pei ‘ona fa’aalia ‘e le ‘Au’aunaga Tineimū ma Fa’alavelave Fa’afuase’i ‘a Niu Sila.  Na saunoa le sui pule sili Nick Pyatt, ‘e maualuga tele le nūmera ‘o a’afiaga ‘o tagata mātutua mai mū ‘o fale, ma ‘e tele lava gāluega ‘e mafai ‘ona puipuia ai ‘e Niu Sila ‘i lātou.

55 pasene ‘o tagata ‘e māliliu ‘i ni mū ‘o ni fale ‘i le lima tausaga talu ai, ‘o tagata ia ‘e i luga atu ‘o le ta’i 60 tausaga le mātutua.  Ma ‘o ni fa’alavelave ‘uma sa tatau ‘ona mafai ‘ona taofia ‘a’o le’i tutupu.

‘O le fa’amanatu ma le talosaga ‘a le ‘au’aunaga ‘i ‘āiga, fānau ma tuā’oi, ‘ia mautinoa ‘o lo’o saogalēmū le fa’amāfanafanaga ‘o fale, ‘ia iai ni fa’ailo asu, ma ‘ia iloa pe fa’apēfea ‘ona ō ‘ese ma le saogalēmu mai totonu ‘o fale pe ‘ā o’o ‘ina mū.  ‘O lo’o lātou mātauina, ‘e tele ‘ina tutupu ia fa’alavelave ‘iā Me, Iuni ma Iūlai. 

Source: Fire and Emergency New Zealand

ATA: Fire and Emergency NZ.