‘O mātou na tusia le pōlisi – Tete’e Vaovasamanaia ‘e lē kopi

‘O lo’o tausisi pea le ta’ita’i ‘o le New Zealand First Vaovasamanaia Winston Peters, na tusi lava ‘e la lātou vāega fa’a’upufai la lātou pōlisi mō le soifua mālōlōina, ‘ona ‘e tai fōliga tutusa lava ma vāega ‘o fa’atōsina ‘a isi vāega fa’a’upufai ‘i luga ‘o ‘upegatafā’ilagi.  ‘O le igoa ‘o le fa’alāpotopotoga ‘o le Make New Zealand Healthy, ‘ae o le igoa fo’i lenā ‘o le pōlisi ‘a le New Zealand First. 

Na saunoa Vaovasamanaia, ‘ua leva ‘ona gālulue fa’atasi le New Zealand First ma le fa’alāpotopotoga, ma ‘e na’o pau fo’i lea ‘o le vāega ‘e fa’alogo ‘iā ‘i lātou.  Sā ‘ioe lava ‘i le tele ‘o a lātou pōlisi peita’i ‘e telē le taimi na o lātou su’esu’eina ai fo’i isi atunu’u ma ‘o lo’o ‘i totonu ‘o ā lātou fuafuaga fa’avaevae, 33 tausaga ‘ua tuana’i.  ‘O lātou na tūsiaina le pōlisi pei ‘ona saunoa Vaovasamānaia. 

‘O le ‘upegatafā’ilagi ‘a le Make New Zealand Healthy, ‘e aofia ai ni fofō po’o ni tali ‘o ni matā’upu se 12 ‘ae 15 isi finagalo fa’atū.  ‘O le New Zealand First, ‘e 15 a lātou matā’upu mō le soifua mālōlōina ‘i lea fuafuaga, mā ‘o le 13 ‘o ia matā’upu, ‘e tutusa lelei ma matā’upu ‘a le Make New Zealand Healthy pei ‘ona līpotia ‘e le Leitiō Niu Sila.

Link to RNZ (Article): https://www.rnz.co.nz/news/politics/1520353/we-wrote-the-policy-winston-peters-denies-copying-campaign-group-s-health-policies

IMAGE/ATA: RNZ / Mark Papalii