‘O le mea ‘e lelei mō Māori, ‘e lelei fo’i mō tagata ‘uma

Na fesiligia ‘e le Leitiō Niu Sila nisi ‘o sui na ‘āuai ‘i le solo, po’o ā ni o lātou tāofi ‘e fa’atatau ‘i le pili ‘a David Seymour, ma sā o lātou fa’aalia, ‘o le mea ‘e lelei mō Māori, ‘e lelei fo’i mō tagata ‘uma. Na tali fo’i se tasi tama’ita’i, ‘e fai lava si faualuga ‘o le ali’i faipule, ma ‘o lea ‘e saunoa ‘o ia ‘o le Māori, ‘ae ‘o lo’o ia fa’aaogāna pea tūlāfono ‘a le ‘au papa’e ‘e taumafai ‘e pūlea ai le atunu’u ‘ātoa.  ‘E le’o sona lau’ele’ele, ‘o lātou ‘e ona le ‘ele’ele.  ‘O ‘i lātou na muamua, ‘o ‘i lātou fo’i la ‘e onaina. 

Sā fesiligia fo’i ‘e le Si’ufofoga ‘o le Laumua nisi ‘o sui sā lagolagoina le Hīkoi ‘i ni o lātou finagalo…audio Fr Alfred… na saunoa Father Alfred Tong ‘o le ‘Ēkālēsia Katoliko, ‘o se tagatānu’u Saina, ‘o le fa’aaloalogiaina lea ‘o le tamāli’i’aga ‘ua ‘iā ‘i tātou, ‘e tusa ai ma mata’aga matagōfie ‘o le Talalelei ‘ua lalanu ai le tagata, ma ‘avea ma tagata fa’atuatua, ‘aemaise ‘o Māori sa iai le pi’itaga ‘i le Feagaiga ‘o Waitangi mai lenei taimi ‘ātoa ‘ua tuana’i….audio Fr Raja…na saunoa fo’i le afioga Pātele Raja Kommareddy ‘o le Pālisi ‘a Te Awakairangi ‘i Lower Hutt, ‘o se tagatānu’u Initia, ‘i lona fa’agae’etia ‘ua mafai ‘ona ‘āuai ‘i nei solo ‘e fa’atasi ‘ona tupu ‘i le tala fa’asolopito, ma ‘ua fiafia ‘e fa’ailoa lona lagolago ‘i tagata ‘o lenei ‘ele’ele, ‘o le tū fo’i lea ma agafa’akerisiano, ‘o le va’aia lea ‘o Keriso ‘i so’o se aganu’u ma ‘ua ‘aumaia fa’atasi ai tagata ‘uma ‘ina ‘ia tasi. 

ATA: Sāmoa Capita Radio / Anna Fa’asolo.