‘O le fa’asalaga ‘o mātua ‘e le’o le tali lea ‘i fa’afītāuli ‘o le tia’i ā’oga

‘O le fuafuaga ‘a le Minisitā lagolago mō Ā’oga David Seymour, ‘e fuafua ai ‘e fa’asala mātua ‘o le tamaititi pe ‘ā o’o ‘i le 10 aso lē ā’oga, ‘ua faitioina ‘e Bruce Kearney, le puleā’oga ‘o le ā’oga māualuga ‘a Rangiora. Fa’aailoa ‘e Kearney, ‘e lēai se aogā ‘o le fa’asala ‘o mātua ‘i le tele ‘o aso lē ā’oga ‘a ā lātou fānau. ‘E tele lava māfua’aga ‘e lē a’o’oga ai tamaiti. Na fa’alauiloa ‘e Seymour se polokalame ‘o le ‘ā fuafua ‘e fa’aaogā ‘i ā’oga, ‘e amata logoina mātua pe ‘ā o’o atu ‘i le lima aso lē ā’oga, ma fesiligia le māfua’aga ‘o le lē ā’oga ‘o le tamaititi.

‘A 10 aso lē ā’oga, ‘ua talo le fono ‘a mātua ma le ā’oga. ‘E fa’asalaina mātua pe ‘ā o’o atu ‘i le 15 aso lē ā’oga, ma ‘o le ‘ā logoina fo’i le Matāgāluega ‘o ‘Ā’oga. Peita’i, ‘ua fa’ailoa ‘e ā’oga, ‘ua mā’ea ona iai isi ītū’āiga fa’atūlagaga fa’apea, ‘o lo’o mulimulitaia ‘e ā’oga pe ‘ā ‘umi ‘e lē ā’oga se tamaititi. Na molimau Kearney, ‘e to’atele mātua ‘e naunau ‘i ā’oga ‘a ā lātou fānau,’ae faigata ona maua ni ‘auala ‘e avatu ai ‘i ā’oga.

‘O le fa’asalaina ‘o mātua, ‘e le’o se tūlaga lelei lea, pe ‘āfai ‘o lo’o iai ni tūlaga mafatia mātua ma fānau. ‘O le ‘ā fa’amalosia ai ona lēai se naunauta’i ‘e ‘avatu tamaiti ‘i ā’oga, pei ‘ona saunoa Kearney.

Link to 1News (Article) translated by Anna Faasolo: https://www.1news.co.nz/2024/10/17/prosecuting-parents-not-the-answer-to-truancy-principal/

ATA: Rangiora High School principal Bruce Kearney – 1News