‘O le fa’asaienisi ma le fa’atuatuaga fa’alelotu ‘e lē fete’ena’i: Vā’ai Fetū ‘a le Pope

‘O le fa’atuatuga ma le fa’asaienisi, ‘e māsani ‘ona va’aia ‘o ni vāega ‘e fete’ena’i, ‘ae ‘o le to’atele fo’i, ‘a sā’ili’ili ‘i le fa’atuatuaga ‘ona galo lea ‘o le fa’asaienisi, ‘e fa’apēnā fo’i pe ‘ā su’esu’e ‘i le fa’asaienisi, ‘ona galo lea ‘o le fa’atuatuaga. 

‘O le talitonuga lea ‘o Felela Guy Consolmagno ‘o le Itū’āiga ‘o le Jesuit, mā ‘o se vā’ai fetū po’o se saienitisi ‘e su’esu’eina fetū, ‘o pāneta ma isi mea ‘i le vāteatea, ‘o ia fo’i ‘o se tagata ‘o tomai fa’apitoa ‘i mea ‘e pā’u’ū ifo ‘i le fogā’ele’ele po’o le lalolagi, ‘o ia fo’i ‘o le Fa’atonu sili ‘o le Vatican Observatory pe ‘ua fa’aigoaina fo’i ‘o ia, ‘o le Vā’ai Fetū ‘a le Pope.

‘O Bro Guy ‘o lo’o ‘i Niu Sila ‘e fa’agāsolo ni fa’amatalaga ‘i ‘a’ai ‘ese’ese ‘e aofia ai ma Uēligitone ‘e fa’atatau ‘i le Fa’asaienisi ma le Atua.  Na ia saunoa ai, ‘e mo’omia ‘e le Fa’asaienisi le Fa’atuatuaga.  ‘E iai lona talitonuga, ‘e ō fa’atasi vāega nei ‘e lua.

‘O lona tulituliloa ‘o le moni e ala atu i le fa’asaienisi na ala ai ona galue ‘i nisi o galuega tetele e aofia le iunivesite o Harvard, ‘o le Nasa faapea le MIT ma malaga i atunuu o le lalolagi mo suesuega ma saunoa i nisi o faatasiga. Ma sa auai atu ai le sui o le Siufofoga o le laumua, le tama’ita’I ia Savelina Kasiano I le faatasiga na faia I le afiafi o le Aso Lulu.

ATA: Guy Consolmagno / Wellington Astronomical Society.