‘O le fa’afītāuli ‘o sauaga ‘i ‘āiga, ‘e telē atu nai lō le tūlaga ‘o lo’o mafaufauina
‘Ua fa’aalia ‘e le ‘au fai tōfā ‘o le puipuiga ‘o sauaga ‘i totonu ‘o ‘āiga, ‘e matuā fa’apopoleina lava le tūlaga ‘i le to’alua ‘o tamaiti ‘ua ‘uma ola ‘i lenei tausaga ma ‘e mo’omia nisi gāluega ‘e tatau ‘ona fa’atino ‘e tāofia ai le toe tūla’i mai ‘o ia fa’afītāuli.
‘O lea fa’ato’ā Ianuari, ‘ae to’alua tamaiti ‘ua māliliu ma taulele’a ‘e to’alua ‘ua mōlia ma tāofia ‘e tali ‘i moliaga ‘o le fa’ao’o ‘o le oti ma le loto ‘i ai, ‘i ni matā’upu na tutupu ‘i Hamilitone ma ‘Aukilani.
‘O le taimi nei, ‘o lo’o iai fo’i se tamaitiiti ‘i Northland ‘o lo’o togafitia ‘ona ‘o ni manu’aga ogaoga ‘i lona ulu ma ‘o lo’o fa’agāsolo fo’i ‘i ai su’esu’ega ‘a leoleo.
Na fa’aalia ‘e le pule sili ‘o le Child Matters, Jane Searle, ‘o se ‘āmataga fa’alētonu tele lenei ‘o le tausaga. Ma ‘e ao ‘ona tātou manatua, so’o se taimi lava ‘e ‘uma ai le ola ‘o se tamaitiiti ‘i se āmioga fa’apea, ‘e ta’u mai ai, ‘e le’o lelei polokalame ma ‘auala po’o systems pei ‘ona saunoa Searle. Mā ‘o se fa’afītāuli fo’i ‘e telē atu nai lō le tūlaga ‘o lo’o māfaufauina.
‘O Ianuari 2022 na ‘uma ai ola ‘o se pepe ma se tamaitiiti fa’atasi ai ma se isi pepe na manu’a tīgāina. ‘E tatau fo’i ‘ona fa’atupeina lelei ‘au’aunaga mō aga feso’ota’i ia ‘o lo’o pito ‘i luma ‘i le faiga ‘o le gāluega ‘aemaise ‘o le tūlaga mo’omiaina ‘o la lātou ‘au’aunaga pei ‘ona fa’aalia ‘e le pule sili ‘o le Child Matters.
Na tā’ua ‘e le ‘au’aunaga ‘a le Shine lea ‘e fa’apitoa mō sauaga ‘i ‘āiga, na matūa si’itia maualuga le tūlaga mo’omia ‘o la lātou gāluega mai tagata na mo’omiaina le fesoasoani ‘i lenei taumāfanafana. Ma ‘e silia ma le 10,000 vala’au na o lātou taulimaina ‘i le tausaga talu ai mō se fesoasoani.
‘Ua vala’au le Minisita mō Tamaiti ma le Puipuiga ‘o Sauaga fa’ao’olima ma sauaga matagā Karen Chhour, ‘ia fa’aaogā ‘au’aunaga ‘o lo’o mafai ‘ona maua pe ‘ā mo’omiaina se fesoasoani, ma ‘ia līpoti ni sauaga ‘e molimauina ‘e so’o se tasi, ‘i totonu ‘āiga, mafutaga ma uō ma so’o se mea pe ‘ā mo’omiaina.
Mafai ‘ona maua le fesoasoani mai ‘au’aunaga nei:
Women’s Refuge:(0800 733 843
It’s Not OK 0800 456 450
Shine: 0508 744 633
Victim Support: 0800 842 846
HELP Call 24/7 (Auckland): 09 623 1700, (Wellington): 04 801 6655 – push 0 at the menu
The National Network of Family Violence Services NZ has information on specialist family violence agencies.
Link to RNZ (Article) translated by Savelina Kasiano: https://www.rnz.co.nz/news/national/538396/family-violence-problem-much-bigger-than-people-think-prevention-experts-say
Karen Chhour says the government is working on the family and sexual violence action plan, focusing on protecting children and young people. ATA: RNZ / Angus Dreaver