‘O le ‘Air NZ le kamupanī pito saogalēmū ‘i le lalolagi

‘O le kamupanī va’alele pito sili ‘ona saogalēmū ‘i le lalolagi, ‘o le ‘Air NZ, pei ‘ona iai ‘i fa’amaumauga ‘a le Airline Ratings, ‘o se ‘upegatafā’ilagi ‘i ‘Ausetalia ‘e fa’atūlagaina le saogalēmū ‘o kamupanī va’alele.  Sa fa’alauiloaina la lātou lisi mō le 2025.

‘O le Air New Zealand ‘e pito saogalēmū lana ‘au’aunaga ‘ātoa, ‘ae nūmera muamua le Hong Kong Express ‘o le kamupanī taugōfie pito sili ‘ona saogalēmū.  ‘E pito atu le Qantas ‘i le ‘Ea Niu Sila, ‘ae tūlaga tutusa ‘i le tū tolu, le Cathay Pacific, Qatar Airways ma le Emirates.  ‘E lona tolu le Ryanair ‘i le saogalēmū ‘i kamupanī taugofie.

‘O le tausaga talu ai, sa tūlaga 4 le Air New Zealand ‘ae ‘o le Jetstar na tūlaga muamua ‘i ‘au’aunaga pito saogalēmū mō kamupanī ‘e taugofie a lātou ‘au’aunaga.  ‘O le 2023, na tūlaga muamua ai fo’i le Air New Zealand ‘i le lalolagi, ‘e fitu fetū ‘i kamupanī pito saogalēmū. 

‘E 9 ni vāega sā fa’atusatusa ai kamupanī ‘e aofia ai ni fa’afītāuli ogaoga ‘i tausaga ‘e lua ‘ua tuana’i atu, ‘o le ‘umi ‘o tausaga ‘o va’alele, ‘o polōfiti ma isi lava matā’upu.

Link to RNZ (Article) translated by Savelina Kasiano: https://www.rnz.co.nz/news/national/538962/air-nz-named-world-s-safest-airline

ATA: Sāmoa Capital Radio (file).