‘O le ‘ā fa’asāina le ta’i 18 tausaga āga’i ‘i lalo ‘ona fa’atau pepa Lotto

‘Ua talia ‘e le Lotto se fautuaga ‘e fa’asāina ai le fa’atauga ‘o ta’aloga ‘uma ‘a le Lotto ‘i totonu ‘o fale Lotto ma luga ‘o le ‘initaneti, ‘i tagata ‘e i lalo ifo ‘o le ta’i 18 tausaga le mātutua.

Na’o pepa valuvalu po’o Instant Kiwi tickets sa iai tapula’a ‘o tausaga ‘a’o le’i faia ia suiga. Na fa’aalia ‘e Will Hine, se tasi ‘o fa’aūlūuluga ‘i le Lotto, ‘e le’o iai ni fa’amaumauga mautū ‘o fuainūmera ‘o tamaiti ‘i lalo ‘o le ta’i 18 tausaga na fa’atauina ni pepa Lotto, peita’i ‘e iai le talitonuga, ‘e maualalo le fuainūmera. 

‘O le ‘ā folasia lea tūlāfono ‘i le Palemene ‘i se taimi ‘o le tausaga nei.

Link to RNZ (Article) translated by Savelina Kasiano: https://www.rnz.co.nz/news/national/538975/lotto-tickets-sales-to-be-banned-for-under-18s

ATA: Supplied / Lotto NZ.