‘O le ‘ā ‘avea le falepuipui ‘o Waikeria ma falepuipui pito telē ‘i Aotearoa

‘Ua fa’aalia ‘e le Matāgāluega ‘o Falepuipui, ‘ua fa’asolosolo lava ‘ina ‘avea le falepuipui ‘i Waikeria, ma falepuipui pito telē ‘i le atunu’u, pe ‘ā māe’a le gāluega ‘o ia fale pei ‘ona fa’aopoopo ‘i ai le silia ma le 1400 ‘o moega.  Na fa’asilasila ‘e le Palemia Christopher Luxon ‘i le māsina ‘o Me, ‘o se tupe ‘e 1.9 piliona tālā na ‘inivesi ‘i falepuipui mo le isi fā tausaga ‘o lumana’i.  Mai lea vāegā tupe, ‘e tusa ma le $442 miliona na toe inivesi ‘i falepuipui, mai ni vaegā tupe na fa’asao mai gāluega ‘i ‘ōfisa ma ni konekarate na fua pau o lātou taimi.

‘O le falepuipui ‘i Waikeria, ‘e nonofo ai le itūpā ‘o ali’i, ‘e tusa ma le to’a 440.  ‘E lata ‘i le 600 moega ‘e ofi ‘i totonu ‘o se fale ‘o lo’o fauina ‘e lata ‘i le fale ‘o lo’o iai nei lea ‘ua fuafua ‘e fa’amāe’a ‘i le tausaga ‘ā sau.  ‘O le art facility ‘o lo’o ‘i ai se falema’i, biometrics techonology, ‘o polokalame fa’atēkonolosi ‘e iloa ai tagata ‘ese’ese, ‘o potu ‘e fai ai polokalame, 500 mōega mō pagotā ma le 96 ‘o moēga ‘e fa’apitoa mō ē ‘e iai fa’afītāuli ‘o le soifua mālōlōina ‘o le māfaufau. 

‘Ua iai le fa’amoemoe ‘e tatala ‘i le lima tausaga ‘o lumana’i, le fa’alautelega ‘o le falepuipui, pei ‘ona toe fa’aopoopo ai moega ‘e 810, mā ‘o le ‘ā o’o atu ‘i le 1800 le aofa’iga ‘o pagotā ‘e mafai ‘ona ofi pe nonofo ai.

Link to RNZ (Article) translated by Savelina Kasiano: https://www.rnz.co.nz/news/national/534989/waikeria-prison-on-track-to-become-aotearoa-s-largest

ATA: Finn Blackwell / RNZ