Momomo le loto ‘i le ātu ‘o fānau ‘a’o fa’aolioli mai su’ega

Na fa’aalia ‘e se faiā’oga Uēligitone, ‘ua ia mātauina le si’itia ‘o le tūlaga popole ma le fā’atu ‘o tamaiti ‘e su’e ‘i le NCEA, ‘a’o fa’aolioli mai a lātou su’ega.  ‘O Karen Boyes, ‘o le ‘ōfisa sili ‘o le Spectrum Education, ‘e fesoasoani ‘i tamaiti ‘i le faiga ‘o a lātou meaā’oga, ma sā ia fa’aalia, ‘e matuā lagona lava le momomo ‘o le loto ‘i le popole ma le ātu ‘o tamaiti.  ‘E lē gata ‘o fānau, ‘ae fa’apea fo’i ‘i mātua, ma ‘o le maualuga ‘o le tūlaga popole ‘o lo’o iai ‘i fānau, ‘ua lata lava ‘ina o’o ‘i le tūlaga ‘e lē mafai ‘ona toe fai ai se isi gāioiga.  Mā ‘e pei ‘o se fa’ama’i pipisi ‘i le taimi nei, ‘ae ‘o lagona lava ia ‘e tutupu ‘i ni taimi ‘o ni mea tetele ‘e tutupu. 

‘O fautuaga ‘a Boyes mō fānau ‘e tau tu’uitīitia ai le popole, ‘o le toe fo’i ‘e va’ava’ai ‘i su’ega fa’ata’ita’i, ma a’oa’o vāega ‘e le’o iloa.  ‘O le tele ‘o fānau ā’oga, ‘e ō ‘i fale ma toe a’oa’o mea ‘ua lātou iloa, ma maumau ai le taimi pei ‘ona ia saunoa.  ‘Ae a’oa’o vāega ‘e le’o iloa, ma vāega na sesē ai.  ‘Ia fa’aaogā fo’i ni itū’āiga metotia ‘ese’ese ‘e a’oa’o  ai ma ‘aua le fa’atali ‘i le taimi mulimuli.

Link to RNZ (article) translated by Savelina Kasiano: https://www.rnz.co.nz/news/national/532203/student-stress-heartbreaking-as-exams-loom

Ata: RNZ