Misi e nisi tagata ā lātou penefiti ona ‘o le sasi lona lua ‘a le MSD

‘O se suiga fa’anatinati ‘i le tulāfono ‘i le tausaga na te’a nei, na māfua ai ona tāofia sesē peimeni ‘o penefiti ‘a nisi tagata, ona sā lē mafai ‘e tagata faigāluega ‘a le Matāgāluega ona fa’amāe’a pepa ma gāluega sā mana’omia ‘i le taimi ‘atofaina. ‘I lalo o le tūlāfono fou, ‘e tatau ona lē itiiti ifo ma le ta’itasi i totonu o le 52 vaiaso, ona toe fa’amāonia atu nisi o tūlaga mō tagata ia e maua penefiti, ‘ina fa’amautinoa o lo’o agava’a pea ‘i lātou e maua le penefiti.

‘O lea suiga na to’atele ai tagata penisiona na lē maua ā lātou tupe fa’apitoa mō le taumālūlū ‘o lenei tausaga (Winter Energy Payment), lea na fa’ato’ese ai le Palemia Tuisinavemaulumoto’otua Christopher Luxon ma le Minisitā mō le Atina’ega o Aga Feso’ota’i Louise Upston ‘i tagata penisiona na a’afia.

‘Ua fa’amāonia ‘e le MSD i luga o le RNZ, ‘o se isi sasi lona lua lea ua a’afia ai isi tagata e maua penefiti, ona ‘o le to’atele o tagata o lo’o feso’ota’i atu ‘e fa’amāonia lō lātou agava’a pea ‘i penefiti, ‘i lalo o le suiga o le tūlāfono. ‘O le ‘ā mafai ona toe maua ‘atoa ‘e tagata ni peimeni na misi le totogiina atu, mai le aso na tūla’i mai ai lea fa’alētonu.

Link to RNZ (Article): https://www.rnz.co.nz/news/political/1152625/people-miss-out-on-benefit-payments-after-second-msd-error

IMAGE/ATA: Kim Baker Wilson / RNZ